الأخبار العاجلة
مبارك: ايلات مصرية ونهضة الأخوان أكبر كذبة في تاريخ مصر
جريدة اليوم السابع المصرية:
من المفاجآت التي يكشفها الرئيس الأسبق إحدى أهم أوراق النجاح والمكسب في قضية التحكيم الدولي في طابا
عاد الحديث في سياق آخر إلى ملف الأمن والأمان والغلاء والمعيشة الصعبة التي يعاني منها المصريون بعد 25 يناير
كشف حسني مبارك عن محاولات المملكة العربية السعودية للتدخل من أجل الإفراج عنه بعد دخوله السجن
تحدث الرئيس الأسبق محمد حسني مبارك عن "مشروع النهضة" الذى قدمه الإخوان المسلمون برنامجاً انتخابياً لمرشحهم الدكتور محمد مرسي رئيس الجمهورية السابق
أوضح مبارك أن الرئيس الليبي الراحل معمر القذافي وصلت ذروة خلافاته مع العاهل السعودي الملك عبدالله بن عبد العزيز إلى تأجير قاتل لإغتياله
تواصل «اليوم السابع» المصرية انفرادها بنشر أخطر تسجيل صوت لمبارك الرئيس الأسبق، وأحاديثه المسجلة مع الأطباء وأفراد الحرس، وتضمنت الحلقة توقعات مبارك لـ30 يونيو وشكوكه في تدخل الجيش، واعتقاده بأن الفريق أول عبدالفتاح السيسي تابع للإخوان، ثم مفاجأته بعد تدخل الجيش مع الشعب، ورأيه فيما يحدث في سيناء ومسؤولية مرسي والإخوان عن إطلاق سراح الإرهابيين ودور قبائل المشايخ هناك.
وفي هذه الحلقة الثالثة تكشف «اليوم السابع» عن المزيد من الأسرار، التي يذكرها مبارك عن حقيقة وفاة عمر سليمان نائب الرئيس الأسبق ورئيس جهاز المخابرات. حيث قال إن "«عمر سليمان» ما اتقتلش ومرحش سوريا خالص.. هو سافر الإمارات لما عرف إن الإخوان هينتقموا منه لأنه الصندوق الأسود".
إيلات
ومن المفاجآت التي يكشفها الرئيس الأسبق إحدى أهم أوراق النجاح والمكسب في قضية التحكيم الدولي في طابا، فقال: «أنا جبتلهم خريطة رسمية لحدود مصر من أيام الإنجليز والدولة العثمانية فى أول زيارة رسمية لإسطنبول»، ويضيف «نقطة الحدود شمال طابا.. يعني داخلة عندنا، هما كانوا عايزين يعيدوا النقاش والتحكيم حوالين كذا نقطة، يعني مش عايزين ينفذوا ويلتزموا.. فجبتهم وقولت لهم: أنا أعرف اليهود ليهم كلمة ولو مش عايز تنفذ نفتح بقى موضوع أم الرشراش».. ويضيف: «تاني يوم بعد تهديدي لرئيس الوزراء وفتح ملف أم الرشراش.. جم على طول وقالوا إحنا لينا لوكاندة بـ28 مليون جنيه.. قولت لمصر للطيران ادفعيهم وخلينا نخلص بأرضنا ويغوروا في ستين داهية».. يقاطعه الدكتور ويسأله: «يعني إيلات ديه بتاعتنا؟!».. فيفجر مبارك مفاجأة ويرد: «أيوه بتاعتنا من أيام الإنجليز»..وهنا يكون نفى وضرب تصريحات وزير الخارجية الأسبق أحمد أبوالغيط حينما قال إن إيلات أرض فلسطينية، ولا يحق لنا المطالبة بها، ويكمل مبارك: «بعد الحكم بساعة طلعوا وقالوا إحنا بنحترم الحكم وهننفذه».
محاولات سعودية
كما كشف «مبارك» عن محاولات المملكة العربية السعودية للتدخل من أجل الإفراج عنه بعد دخوله السجن قائلا للطبيب «السعودية مرة بعتت للمشير طنطاوى وعرضوا 6 مليارات دولار علشان أخرج وكانوا عايزين يعلنوا ده». "أنا قولت لبتوع النيابة: الله يخرب بيتكو إنتو عاوزين تطلعوني حرامي.. وقطر هتجيب أمريكان يهود يستوطنوا عندنا.. ويعملوا مشروعات سيئة زي قناة السويس ويأجروها".
مشروع النهضة
تحدث الرئيس الأسبق محمد حسنى مبارك عن "مشروع النهضة" الذى قدمه الإخوان المسلمون برنامجاً انتخابياً لمرشحهم الدكتور محمد مرسي رئيس الجمهورية السابق. ووصف مبارك المشروع بأنه "أكبر كذبة فى تاريخ مصر". قاطعه الدكتور: "هو فيه مشروع أصلاً".. فرد مبارك: "بصرف النظر عن الأمر..الخطر في تمويل المشروع من دول عربية أو شركات أجنبية..وقطر هتجيب أمريكان يهود بباسبورتات أمريكية ويعملوا مشروعات ويستوطنوا عندنا.. ويعملوا مشروعات سيئة زى قناة السويس وتأجيرها".
الأمن والمعيشة الصعبة
عاد الحديث في سياق آخر إلى ملف الأمن والأمان والغلاء والمعيشة الصعبة التي يعاني منها المصريون بعد 25 يناير. بدأ ضابط الحراسة حديثه قائلاً: "شفت مرسي ياريس لما راح خطب في السودان وقالك أبشروا يا أهل السودان فمصر نهضت.. يجوا يشوفوا النهضة والغلاء والمعيشة.. الناس نفسها الدنيا ترجع زي زمان وتعرف تعيش في أمان.. الناس مش لاقيه تأكل مش لاقيين بنزين". رد مبارك: "وفي الآخر يقولك النظام الثوري والثورة.. أنا استلمتهم 43 مليون في 1981 دلوقتى بقوا 90 مليون". يرد ضابط الحراسة: "كل الناس بتقول كده إن شاء الله النظام السابق يرجع ويعمل اللي يعمله بس نعيش في أمان ومستقرين.. أنا كنت بلف وبجيب فلوس من كل حتة".
مساعدات خليجية
ويواصل ضاحكاً: "ومبطلبش ومبشحتش زي الكلام اللي قاله القذافي ده مبارك كان بيشحتلكوا فلوس.. أنا فاكر الملك فهد بعتلي مرة 200 مليون دولار في 1989.. كنت في استراحة برج العرب لقيت البنك المركزي بيقولي اتحولنا مبلغ 200 مليون.. كلمته قالي أنا عارف اللي عندك.. الدنيا عندكو صعبة شوية".. رد ضابط الحراسة: "كانوا بيحبوا مصر وبيحبوا حضرتك". وأضاف مبارك: "آه ده في حرب الخليج إداني 2 مليار ونصف مليار دولار والكويت إدوني مليار و300 مليون دولار". فقاطعه طبيبه الخاص: "ما هما دول اللي بيقولوا عليهم إنك حولتهم لحسابك الخاص وصرفتهم". تجاهل الرئيس الأسبق هذه الجملة واستكمل قائلاً: "ده غير 500 مليون دولار قالوا اشتروا بيهم اللي انتوا عاوزينه وهاتولي الشيكات وانا أدفعهم.. ده الملك فهد.. أيام ما كانت الملايين ملايين مش زي دلوقتي". ويضحك.. فيضحك الطبيب الخاص ويؤمن على كلامه قائلاً: "دلوقتي الملايين مع الدكتور ومع كل الناس الغلابة.. أنا معايا 500 جنيه من فلوس العمليات"، ويتابع: "خسارة مصر يتعمل فيها كده والله ده يدل على أنهم كانوا بيحبوا حضرتك أوي".. فيرد مبارك: "أصلي أنا لما كنت بتعامل معاهم مكنتش بتكبر وبحترمهم ومحبش أشتم".. فيتدخل الطبيب الخاص: "أه مهمة النقطة ديه أوي.. القذافى كان بيقعد في جامعة الدول العربية يشتم الناس.. فتلاقي الملك عبد الله هاج عليه ورد".
القذافي والعاهل السعودي
مفاجأة جديدة يكشف عنها الرئيس الأسبق في هذه التسجيلات. أوضح مبارك أن الرئيس الليبي الراحل معمر القذافي وصلت ذروة خلافاته مع العاهل السعودي الملك عبدالله بن عبد العزيز إلى تأجير قاتل لإغتياله. قائلاً: "القذافي ده كان باعت واحد يقتل الملك عبدالله. وإحنا مسكناه.. الواد جاي وبعتله الفلوس عن طريق شركة سياحة من السعودية هنا علشان يصرف منها، رحنا عرفنا الموضوع فجبناه. فكان عايز يسافر تاني السعودية ومسكناه ومنعناه ومرضيناش نسفره السعودية.. فراح طلب يزوره القذافي، وقالنا إنتوا منعينه ليه من السفر.. فرديت: إحنا منعناه علشان متقتلوش وتجبلنا مصيبة كلنا.. بصراحه كده فراح سكت.. ويكمل مبارك ضاحكاً: "منطقش"... فرد طبيبه الخاص: "السكوت علامة الرضا".. فضحك مبارك.. وسأله الدكتور: "حضرتك كنت فاهمه كويس.. فرد الرئيس الأسبق: "أنا كنت فاهمه كويس وفاهم أبوه.. أنا لما أتعامل مع واحد لازم أفهمه كويس".. فيقاطعه الطبيب: "بيقولوا على المنايفة عندهم درجة ذكاء عالية ياريس".. فيضحك مبارك بصوت عالي لفترة، وعاد الطبيب ليكمل حديث المدح: "بقولهم شوفوا المنايفة كانوا عاملين إيه فى البلد.. الرئيس السادات وبعدين الرئيس مبارك.. تعالوا شوفوا الشراقوة عاملين فينا إيه – نسبة إلى مسقط رأس الرئيس السابق محمد مرسي-، فرد مبارك: "أنا كنت مستلم البلد متفككة عليها 57 مليار دولار ديون.. مكناش قادرين ندفع قسط سنوي من الفوائد.. وكان لازم نشتري أدوية وقمح في السنة فوقعنا مع صندوق النقد شوية.. وخلصت من صندوق النقد طلعلي جورج بوش الأب.. قولتله في اليابان مرة في زيارة: يا جورج إنت مبتساعدنيش مع صندوق النقد ده ليه؟.. فرد قالي: لا إزاي؟!!.. قولتله: الصندوق كل سنة عايز يرفع الفايدة يا إما يربطها برفع الدعم وأسعار البنزين وأنا مقدرش أعمل الحاجات دية.. قولتله قوم كلمه دلوقتي كانت الساعة حوالي 12 بالليل هناك وبتوقيتهم 12 الظهر.. فكلمه وقاله اقبل بالبرنامج اللي حطّاه مصر دون تغيير.. ساعتها كانت حكومة الدكتور عاطف صدقي فكلمني بعدها وقالي هو إيه اللي حصل؟.. بعد ما كان الصندوق متشدد معانا.. دلوقتي بيقبل برنامجنا بلا تعديل".. فعلق الطبيب الخاص قائلاً: "كانت مهمة العلاقات الدولية دية في إدارة البلاد".
الشيخ زايد
يضيف مبارك: "الشيخ زايد ده كان مِدي قرض لروسيا أيام حرب الخليج بمليار يورو.. فقلتله عايزين نشتري طيارات هليكوبتر بيهم من روسيا.. طيارات قوية.. مسألش ليه ولا بكام.. على طول قالي نفذ.. وأيام حرب الخليج شفته كانوا شاريين طيارات إيرباص من فرنسا فراح باعهم وإداني بيهم معونة 9 مليار موجودين في البنك المركزي في حساب الدولة".. قاطعه الطبيب: "ما هما بيقولوا مبارك عنده 9 مليار".. رد الرئيس الأسبق: "ما هما دول".. فأمن الطبيب على كلامه قائلاً: "أنا قريت تصريحات لمدير البنك المركزي في الأهرام من 3 شهور بيقول فيها إن مفيش مليم خرج من مصر ولا شنط ولا حاجة.. ولما سألوه متكلمتش ليه وقتها قال إن الموجة كانت عالية ومقدرش أتكلم".. فأوضح مبارك: "البنك المركزي ده بنك الحكومة.. اللي يحط فلوس فيه تبقى بتاعة الحكومة.. فكان الشيخ زايد يحولي على البنك المركزي مش على بنك تجاري.. والبنك المركزي ميفتحش حساب خاص لحد.. وجيه بتاع النيابة بيحقق برضه.. قولتله إنت عاوز إيه.. شوف أنا هقولك على كل حاجة علشان ترتاحوا هقولك اتحول للسعودية كام ولفلان كام ومش عارف ونرجع الفلوس بقى.. قالولي لا انت كده تعمل أزمة في الاحتياطي النقدي في البلد.. طيب أومال إيه الله يخرب بيتكو انتو عاوزين تطلعوني حرامي"..
العلاقات مع إسرائيل
واشنطن والقاهرة.. والعلاقات مع البيت الأبيض شهدت شدا وجذبا وتغيرا من وقت لآخر.. يكشفها الرئيس الأسبق قائلاً: "إحنا بقينا ضعاف الكل بيستهيفنا دلوقتي عرفوا إن إحنا بلد ضعيفة" يرد طبيبه الخاص: "بقينا ضعاف يا ريس".. فيستكمل مبارك: "الأمريكان كانوا زمان بيعملولي حساب.. رغم إني مرضيتش أديهم ولا قاعدة عسكرية ولا حاجه إطلاقاً.. وطلبوا مني كثير وحاولوا معايا محاولات رهيبة.. بس أنا مبعلنش ده علشان محدش يزايد عليا.. وبسلط عليهم الإسرائيليين بستغل الإسرائيليين بطريقة يعني.. شارون كان عندي مرة وبيقولي عايزين ننشط التجارة بينا.. قولتله انتوا اللي موقفين.. التجارة كانت نشيطة أيام رابين انتوا اللي وقفتوها.. كانوا عايزنا نصدر في اتفاقية الكويز بدون جمارك.. وكانوا بيشترطوا في أي صناعة بتصنعها عندك تاخد مكونات من إسرائيل بنسبة 8 أو 10%". يقاطعه الطبيب: "الدنيا اتقلبت علينا وقتها وقالت هتبقى شراكة إسرائيلية وبتاع".. فيرد مبارك: "قولت لشارون لا ده كلام فارغ فكان عندي الاتنين قالي أنا هبعت النائب بتاعي يوم الخميس.. جيه ومعاه موافقة بأن المصانع المصرية تصدر بالكامل دون مكونات إسرائيلية.. وبدأت مصانع العاشر من رمضان والسادس من أكتوبر وبرج العرب يصدروا لإسرائيل.. مدينة السادات".. قاطعه مجدداً طبيبه: "أحمد عز كان بيصدر الحديد هناك".. رد مبارك: "عز وأبو العينين كان بيصدر السراميك هناك.. كله كله من غير جمارك.. لأن لو صدرنا بجمارك الصين تضربنا.. هما اتغاظوا بقى من الضغط عليهم من إسرائيل.. لأنهم كانوا عايزين اتفاقية تجارة حرة بالكامل وتبادل خبرات الدكاتره الأمريكان يجوا يشتغلوا.. المحاسبين الأمريكان"..استوقفه الطبيب الخاص وسأله: "أنا سمعت الكلام ده.. قالولنا هيجلكوا دكاترة ومهندسين من أمريكا وإسرائيل وبتاع ومكناش هنلاقي مستشفيات ولا عيادات نشتغل فيها ومش هنلاقي شغل ؟".. "آدي بقى الوزير رشيد – في إشارة إلى وزير التجارة والصناعة الأسبق رشيد محمد رشيد - قعد يقولي خلص خلص ولزق في الكويز، لكن أنا في النهاية أخذت اللي أنا عايزه أنا كنت عايز أصدر ومش عايز منهم حاجة والبعد عن الشر غنيمة وضحكت عليهم".
تابع كل العرب وإبق على حتلنة من كل جديد: مجموعة تلجرام >> t.me/alarabemergency للإنضمام الى مجموعة الأخبار عبر واتساب >> bit.ly/3AG8ibK تابع كل العرب عبر انستجرام >> t.me/alarabemergency