للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency

بأيام الصَّقعة ووقت البَرد
يسوع بيدفّيني
بعطر الزهر وورق الوَرد
بيجي وبيغطّيني
وبهمسة شِعر وهمسة سَرد
حُبّو بيغفّيني

ما احلى النُّومة مع يسوع
عَ إيدو الحنوني
بِعْبُطني وبمسَح دْموع
سالت من عيوني
يا ناس ما عاد رجوع
على صدرو خلّوني

صبحيّة مع العصفور
بروح اصليلو
بوجه خاشع كلّو نور
بركع مقابيلو
يا إمّي هاتي الفطور
تيباركو بيمينو