Share this link via
Or copy link
الخريف -أنشودة للأطفال : زهير دعيم
للإنضمام الى مجموعة الأخبار >> whatsapp.com/channel/0029VaPmmw0FMqrR6DDyOv0E تلجرام t.me/alarabemergency
راح الصّيف وأجا الخريف
والجوّ صار حلو ولطيف
ريح بتهُبّ بشكل ظريف
بتحمل ورق أصفر وخفيف
والغيمة السودا براسها تطُلّ
فوق الجبل وفوق الكُلّ
فيها مطر بريحة الفُلّ
بيسقي الارض وبيشفي الغُلّ
والسّما مزروعة عصافير
بُلبل وحسّون وشحارير
نحو الشرق عم بتطير
في الصُّبحيّة من بَكّير