زجل عن العنف يأكلونَ بعضَهم ويطلبونَ الحمايه

زجل عن العنف  يأكلونَ بعضَهم ويطلبونَ الحمايه   بقلم:اسماء طنوس المكر
فيكو الذّئِب والحَمَل ------ وقوي بيـاكل الضعيـف
والوضِع ما بيُحتَمَل ------ المجتمع أصبـح عنـيف
                    *********
المشاكـل النفســيِّـه  ------- بسببها ما في أعصاب
والتربيـِه البـيتــيـِّه  ------- هِيِّ الأصِل بالمُـصـاب
وبِالظُّروفِ الماليِّه  ------- بِالجُــرمِ كُلُّـه إنصــاب
وبجـرائـم أهــليِّــه  -------- طَخّوا بَعِض يا لطيف
                   *********
القاتل  بيُقتل قتـيل --------- وعَم يمشي بِجَنـازتُـه
جُرمُه ما إلو مَثيل --------- وعَمَّ بيُطلـب حِـمايتُـه
الخائن بيُقتل نبيـل --------- بيـِتـبَرّى من خـيـانِتُـه
ومفكِّر إنُّه أصـيل --------- وهُوِّ اللّي مانُّه شريف
                   *********
الكُل بياكُل بعضُه --------- صاروا مَسخَرَه للغــير
لا شي عمَّ بيصُدُّه ---------لا شُرطه ولا أهل الخير
شياطيـن بيِنـعَدّوا --------- ما هَمهُم شو عم بيصير
سلاحُ المجرم بِيَدُّه--------- ماشي حُر ولا مُـخيـف                +