قلت اني نسيتك

أنـا قلت  اني لقيت غيرك ونسيتك     كمان قلت  اني حبيت غيرك مليون
و قلت خلاص أنا بعتك وماشريتك     والشعـراء  يقولـون  مالا يفعلون
لا  تصدقني لو قلت  في يوم نسيتك     والله ما نسيتـك و لاهـم يحزنون
ما نسيتك لكن أعترف اني  جفيتك      جفيتك و جرحتك لأني فيك مجنون
عملت هيك  عشان تحس اني هويتك  والظاهر اني زودتها وصرت أمـون
الكل بفكر  اني كرهتك و نسيتك       وأنا اسى بديت بحبك ومايـدرون
 أنا فتحت عينـي في الدنيا ولقيتك      و الحب الوحيد في حياتي  ما يهون
أكيد مستغرب  ليه أنا اليوم جيتك       لا تستغرب وأحسن فيني الظنـون
يالله عـاد اضحك وابتسم فديتك       أنا وقلـبي وكلـي فدوه لهالعيون
أنا أعتقـد بهاي  القصيده راضيتك       عشان تعرف قديش قلبي حنون
بس لاتنسـى اني قلت اني حبيتك        والشعـراء يقولـون مالا يفعلون
يعني يمكن اني كرهتـك ونسيتك        ويمكن ما حبيتك ولا هم  يحزنون