موشحات تشرين الثاني بيقول – بقلم أسماء طنوس المكر

تشرين الثاني بيقول ---  جَـهِِّــزولي الأوانـي                                        

جايب معي زيتاتي  ---  تْمَلّوا جْـرار وِقْنـاني                                                         

__________________________

أنا شهـر الزَّيتـونِ  --- فيّي بِتلاقـوا المـونِـه

معي بتلاقوا الزيتات--- مع حبّـاتِ الزَّيتــونِ 

__________________________

مع زيتي عَاللّبَـنـه ---  بـاكُـل وأنـا مِـتـهـنّي

بَشبَع وبَشكُررَبّي  ---  يَاللّي خــيرُه أعـطاني

__________________________ 

مجَدَّره مَعَ الزَّيتون---  لذيذِه أطيَـب ما يْكـون

باكُلها مَع السَّـلَطه ---  بَقــول ربّي مَـمـنـونِـه

__________________________

وِأكْلِ منقوشِه بِالزّيت---بتصيرأقوَى منِ الحيط                                 

ما بَستغني عَنِ الزّيت --- لَوْ الِكْنافٍه جـابـولـي