أحببت صديقتي ومصادقتها لكن خانت ثقة أهلها والآن تلاحقني بالسوء

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا ..انا حبيت احكي مشكلتي لانو عنجد متدايقه ومش عارفه شو بدي اعمل وحابه تعطوني حل مع اني عملت كتير اشياء بس ما في فايده. انا بنت من المثلث عمري 16 سنه مشكلتي مش قصه حب لاني بعمري ما أمنت بالحب وما أمنت بشاب لانو انا بنت محافظه وبخاف على سمعتي وعلى سمعه اهلي وبعمري ما حكيت مع شاب وما فتت بهيك قصص.


صورة توضيحية

مشكلتي بلشت لما كان عمري ١٤ سنه كان الي صاحبه وكنت احبها وكنا متل الخوات بس لحد ما اجى اليوم الي ما كنت متوقعتو الي سمعت عنها حكي ما بنحكى ولهيك قصص بعدت عنها وما مشيت معها لاني طبعا بتهمني سمعتي... والمشكله الكبيره انو هاي البنت لليوم ما دشرتني بحالي مع اني كنت اعرف عنها كتير اشياء بس من بعد ما تركنا صحبتنا ما حكيت عنها بالعاطل بس هي دايما بتحكي عني بالعاطل لحد ما خسرت سمعتي انا عارفه حالي وواثقه من حالي بس كل الي طالبو منها انها تتدشرني بحالي وما بدي اشي تاني لاني زهقت حياتي كل يوم بوصلني حكي وكل يوم بسمع انها حاكيه مع حدا من اخوتي بس الي مخفف عني انو اخوتي عارفيني واهلي عارفيني ووثقانين فيي بس انا بدي كل الناس تعرفني ما بدي اسمع حدا بحكي عني ما في بأيدي اشي اعملو قلت يمكن اذا تخرجنا وكل وحده راحت على مدرسه يمكن تدشرني بحالي بس للاسف لحد اسا بصلني حكي فـ مشان الله الي عندو حل يحكيلي اياه انا شو بأيدي اعمل؟؟؟ انا خايفه كتير وخايفه على مستقبلي يخرب بسببها لاني عارفه ما راح تتركني بحالي... هاي المشكله الي حكيتها باختصار في كتير اشياء كانت تصير ولاني مش عارفه اعبر على الي جواتي حكيت باختصار منشان الله الي عندو حل يعطيني اياه ما تقوليلي ما تسمعي حكيها كنت دايما اطنشها بس لا حياه لمن تنادي. بتمنى من موقع العرب انو ينشر قصتي باسرع وقت لاني تعبت وزهقت.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il