أحرّض شقيقي على خطيبته واتمنى لهما الانفصال لأنها احتلت مكاني

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

 الى زوار الموقع انا حابة احكيلكو قصتي وبتمنى انكو تساعدوني انا بنت بصف ال 12 وعمري 17 سنة وانا كثير مدللة عند اهلي من وانا صغيري وعندي كمان اخو اكبر مني وهو كمان وحداني يعني احنا بالبيت بنت وشاب وفش غيرنا.

صورة توضيحية

تعودت على اخوي دايمن كان يوخذني معه ويدللني ويشتريلي شو بدي وفجأت صرت أحس انه في اشي اتغير وبطل يهتم فيي زي قبل وانا ما عنديش اخو غيره!!
وعرفت انه في وحده بحياتو ومش عم بفضي الي كثير: لحد ما خطب بنت كثير حلوة حتى انها احلى مني بكثير وصارت كل العائلة تهتم فيها وادللها وانا ما حدا معبرني،واخوي الي كان يوخذني معه عم بكون مشغول 24 ساعة وبضل عند دار خطيبتو طول الوقت،غيرتي منها بدها اتجنني مع انها هي كثير منيحة معي وبتحبني بس انا صعب علي أتقبلها وصعب حدا يوخذ محلي.

أتمنى لهم الانفصال
مرات لما يكونو مخططين يرحو محل بصير اعمل حالي مريضة ومش قادرة عشان يضل جنبي وميروحش معها. وحتى لما يشتريلها ايشي بنجن وبدور وبصير بدي ايجبلي زيه والمشكلة انه اخوي عم بشعر بهاد الايشي ومش عم بعجبو ومرات الشمكلة انه بصير اححرضه عليها وبتمنى انهن ينفصلوا عن بعض.. بترجاكو تساعدوني كيف ممكن أكسب أخوي وبنفس الوقت اتخلص من شعور الغيرة.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il