أم: إبني الوحيد بلغ الأربعين ولم يتزوج بعد ويرفض الفكرة بحجج سخيفة

وصلت الى موقع العرب رسالة من سيدة تطلب إشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
السلام عليكم... أنا أم من قرية في الجليل عمري صار في الستينات والحمد لله ربي العالمين على كل شيء. بحب احكيلكم مشكلتي وطبعا انا ما بعرف اطبع على الكمبيوتر بس بنتي عم تكتبلي الرسالة على امل انو موقع العرب ينشرها بأسرع وقت.

صورة توضيحية

عندي ولد وحيد بين خمس بنات والحمد لله كلهن مجوزات بس ابني الوحيد واللي مش ناقصه اشي صار فوق الأربعين وبعدوا مش متجوز. يعني انا وأبوه حابين يتجوز ونفرح فيه ونشوف ولاده. والله العظيم انو الولد شغيل ومتحين يعني غني وحلو بالخلقة ومتعلم وطبعا فش انسان كامل بس ما شاء الله عليه مش لانو ابني بس لانو هو هيك.

حجج غير مقنعة
كل ما نفتح معو صيرة الجيزة بعصب وبطلع خلقه وكل ما نشوفله عروس بطلع فيها ميت لنة وعلة. مرة بقول هاي قصيرة وهديك ناصحة وهاي سنانها بشعين وهديك بتعرفش تحكي وهاي حلوة بس مش متعلمة وهاي هيك وهديك هيك يعين عنجد زهقنا من هالقصص. ولا حدا عارف يقنعه يتجوز والقطار سريع والعمر عم بمرق ونفسي يحققلي أمنيتي ويتجوز بس مش عارفة كيف أقنعه. يا ريت يا موقع العرب تساعدوني لانو فشلك بكل الوسائل وشكرا. وعلى فكرة أنا بعرف انو في متل ابني كتير الظاهر بمجتمعنا العربي بس الشب يكبر بروح نصيبه.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il