ابي يقف بطريقنا انا وحبيبي

موقع العرب وصحيفة كل العرب - الناصرة

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

 الرسالة هي التالية:

السلام عليكم انا فتاه من الشمال مشكلتي هي انو انا وحبيبي منحب بعض كثير وهو عمرو 21 سنه هو بتعلم بالجامعه بس وضعو ما بسمحلو انو يكمل بالجامعه ويربطني معو ويكون حالو المهم قرر انو يترك الجامعه ويشتغل عشان يقدر يكون حالو بسرعه ويجي يحكي فيني المهم قبل قتره اجا يطلبني من ابوي وابوي حبو كثير واحترمو بس المشكله هون انو ما عندو بيت وابوي مش موافق لانو كمان مش مكون حالو وبنفس الفتره اللي اجا يحكي فييه اجاني عريس عندو بيت ومكون حالو ومعو صنعه انا رفضت العريس بس ابوي كل يوم كان يحكي معي ويقنعني انو الحب ما بعمل شي وما بعيشني المهم انا رفضت كليا بس ابوي ضل معند واللي بحبو يأس كثير حاول كثير وكان كل يوم يفكر بشي اخر شب قرر انو يتركني وما يربطني هو شاب كقير محترم وبعرف ربنا حكالي انو ما بقدر يضل معي بهاي العلاقه لانو ابكي رفض هاي بتتسمى علاقتنا حرام لانو ابوكي ما وافق المهم انا عارضتو قلتلو انا ما راح اخذ غيرك وبحبك وما بقدر استغني عنك وكل عريس بيجيني راح ارفضو عشانك انت وراح اعند عشان يعرف ابوي انو ما بقدر اعيش بدونك هليت الكل يتدخل بمشكلتي ويحاول يحكي مع ابوي حتى عماتي وخالاتي كلهم خليتهم يحكو معو بس ما في فايده ابوي معند انو ما بقدر يخليني اخذو وما عندو بيت ومش مكون حالو وبعدين غير عن هيك هو من بلد كثير بعيده عنا يعني بينا شي 3 ساعات سفر وانا وحيده عند اهلي ابوي مهو حق انو انا وحيدتو وهو بهمو سعادتي ويكون الي بيت ملك وعيشه منيحه كثير بس انا اللي اخترت هاد الشاب انو يشاركني حياتي وانا عارفه انو راح يكون حالو عشاني انا بس ابوي مش قادر يقكر انو بحرمني من سعادتي وانا مش عارفه شو اعمل حبيبي بدو يتركني ونا بقدر على بعدو وهو هلأ خارج بلدو بشتغل عشان يحاول ينساني وقلي انو احاول انساه واقبل اي عريس منيح بقدر يجيبلي بيت ويعيشني ما استناه لانو طريقو كثير طويل بس انا فييه استناه لاني بحبو ولازم اضحي منشانو بدي مساعدتكو شو اعمل وكيف اقنع ابوي حاولت كثير احكي معو وامرضت بس ما حس فيني مش قابل وحبيبي هلأ بعيد عني وانا عم بحترق كل يوم ما بقدر استغني عنو هيك ما بدي نستسلم انا وياه بهاي السرعه ابوي راح يعرف انو سعادتي مع هاد الشاب لازم يعرف لازم ساعدوني وحياتكو اكيد انتو كمان مريتو بنفس تجربتي بدي اعرف شو اعمل يا رب تفرجها علينا يا رب وترحمنا ومتأسفه كثير انو طولت عليكو بس عنجد ما الي غيركو بعد الله انو تساعدوني وتعطوني تعليقاتكو ... السلام عليكم.... قلبي المحترق

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il.
كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية والالفاظ البذيئة.