استغلوا اسمي لاحاديث هاتفية

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا, انا فتاة ابلغ من العمر 14 سنة, انا فتاة سمعتي الحمدلله منيحة كثير بين الناس ونشكر الله..انا يعني وصحباتي هاد الاشي بيناتنا عادي طبيعي يعني كلنا عم تنهبل عاولاد بلدنا بايميل وهيك على اساس انو نحنا شخصيات وبنسمي حالنا اسامي واكيد ما الها وجود هاد الاسماء يعني مثلا بنقول حيا الله اسم وعيلة ومن بلد وحيا الله صورة وهني بصدقو..ما تقولولي لشو الهبل وهيك يعني هلأ الكل اتهبل عناس مش بس انا كل البنات بتهبلو عبعض وعولاد واشيا..فمرة انا وصاحبتي اتفئنا نجيب بلفون ونتهبل عولد وكنا ** بعد عنكن يعني كلشي عادي ومش انا الي حكيت كانت صاحبتي تحكي انا بستحي احكي بالبلفون بس عالايميل ما تقولولي انت بنت زغيرة وما لازم هيك بالعكس انا محترمة كتير مش شوية ومعروفة بالبلد.. وياما ضفت ناس وشغلتلهن بالهن كتير كتير.. فحبيت اسالكم هل الاشي هاد اللي عملتو الواحد يؤثم علي؟ يعني عنجد انا متندمة عللي اعملتو وياريت ما اعملتو بالعكس خسرني وقت وهبل عالفاضي .. فأنا مرة وصلني خبر انو بنت حاكية مع ولد باسمي عالتلفون وانا انجنيت فمرة حكيت باسمها وانا مش متعودة احكي باسم بنت بخلال وحكيت باسمها وحكيت حكي من الغل اللي فيني واللي حكيت معو حاكي معها عالتلفون وعادي ما بعرف كيف صارت هاد وهلأ هو ماخد عنها فكرة انها مش منيحة وبيني وبينكم هي مش منيحة حكت مع كل الاولاد وباسامي بنات مش اسمها وعملت كتير اشيا بس انا ضميري بانبني باني انا حكيت باسمها وعنجد بدي توب انصحوني شو اهمل وما رح اعمل هيك كمان مرة بكفي هبل لهون وستوب عنجد ازهئت وتعبت وعنجد ما بدي هيك وكتير متندمة عهديك اللحظات الي ضيعتها بحياتي وعنجد بدي توب انصحوني شو اعمل وحياتكو وئلولي شو اللي اعملتو اثم؟ وعنجد حرام؟ يعني هلأ ربنا بتئبل توبتي قلولي شو اعمل وحياتكو ساعدوني وما تحكولي حكي مالو لزوم وانشو مشكلتي باسرع وقت وحياتكو وشكرا لالكوا عنجد..

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

 كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.