البسيخومتري ... مشكلتي الحقيقية

* وصلت موقع "العرب" رسالة من فتاة تطلب المساعدة، وموقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

مرحبا وتحية لكل زوار زاوية مجتمع ولكل المعقبين .. وبتمنى انكو تسمعوني وتحاولو تساعدوني. أنابنت عمري 18 سنة.. هلق أناخلصت المرحلة الثانوية وفايتة جديد بدورة بسيخومتري بس يا جماعة مشكلتي اني ما عم بئدر أدرس مع اني والله نفسي أتعلم وأكمل وأفوت بالجامعةوما بدي أخيب أمل أهلي فيي لأنن ما قصرو معي وتعبوا علي ودفعوا ياما مصاري لتعليمي .. بس المشكلة انو كل ما أجي أدرس والا أفتح الكتاب بصير ألهي حالي ..مرة بأقوم مرة بروح أشتغل بالبيت أو هيك أي اشي .. وازا قدرت أدرس اكتر من تلات ساعات ما بأقعد .. وانا هلق كتير متأخرة بالمادة وما عم لحق حل كل الواجبات والوظايف .. مع انو البسيخومتري بدو كتير دراسة وكتير ساعات .. وهادا الأشي كتير متعبني ومضايقني وعفكرة المادة مو صعبة علي لاني بافهم منيح من المعلمة بس ما فيني اقعد وادرس.. يا ترى ليش حسب رايكو ؟؟ بتمنى نساعدوني وشكرا كتير.

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها