تزوجت غصب عني بس طلع متزوج وخلاني اسكن مع ضرتي وما بعرف شو اعمل

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا بنت عمري 24 من قرية من قرى البلاد وقبل شهرين انكتب كتابي على واحد كان معارف عمي ومن خارج بلدنا: وطلعت على بيتو بدون زغروتة حتى بحجة انو في قريب الو توفى وهو مستعجل كتير...طبعا انتو بتسألو كيف وافقت بس انا ما الي كلمة لما ابوي بيتكلم واحنا بالبيت 7 بنات يعني ما في مجال الوحدة تتبغدد وترفض عريس..ولما ابوي عرف انو معارف عمي ما سأل عنو ودغري قرى الفاتحة.وبعد بجمعة من دخلتي اعترفلي انو البيت اللي قاعدين فيه مش بيتو وانو بيتو هناك وين مرتو الاولى وا١ ي راح اسكن معها.
ما بعرف كيف اشرحلكو شكل الصدمة بس صدقوني حسيت حالي قد حبة العدس واني صغيرة وضحك علي وضليت كل النهار ابكي وقلتلو بدي ارجع عند ابوي طبعا هو جاوبني انو اذا برجع بطلقني وسألتو ليش ضحك علي فصار يضحك ويقول ما ضحكت عليكي واياني قلتلك وبعدين هاد شرع ربنا.وقبلت ومشيت معو على دارو القديمة واياني عايشة هون مع ضرتي هي انسانة امنيحة بس مش هاي الحياة اللي كنت احلم فيها خصوصا اني متعلمة وكان بصحلي اعيش احسن من هيك.شو اعمل ارشدوني لاني حاسي حالي بسجن

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il