جمالي ساحر ومتعجرفة وقلبي انكسر

وصلت الى موقع العرب، هذه الرسالة من فتاة تطلب مساعدة وارشاد زوار موقع العرب.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
بصراحة انا نشرت مشكلتي للموقع وفي انتظار نشرها بس للاسف صبري نفذ وبدي عنجد نصيحتكوا الي بتهمني كتير .. راح اطول عليكو بس وحياة الله اسمعوني مدايقة كتير كتير .. اعذروني على اللغة نص فصحة نص عامية بس من اجل التوضيح ..

صورة توضيحية فقط!

القصة وبصـــــراحة مش راح اخبي عليكوا عشان افيد حالي 100% بردودكوا وراح احكي من طقطق للسلام عليكم ... بجد بحاجة مساعدة ..يمكن البعض يقول شو هل مشكلة التافهه ، بس صدقوني عنجد بشكيلكوا من حزن وهم وقلق قلبي ، انا يوم من الايام كنت اقول عن متل هاي المشاكل (الي راح اطرحها) تافه بس اليوم صرت اعاني من هاي المشكلة ..>>>  .. انا فتاة بلغت  من العمر 18  حديثا من الصف الثاني عشر وبصراحة انسانة طموحة وجد بحب الجميع وبتمنى الخير وعندي صديقات وفيات بسسسس انا انسانة متعجرفة جدا مع الشباب وكأنو شايفي حالي ومش مصدقة وبديش اخفي عليكو الله العظيم يشهد اذا بكزب ، الله وهبني جمال كيف بقول الناس الي حولي جمال ساحر ..  ودايما كنت اشوف حالي واي شب يطلب مصاحبه ولا اي اشي اسكر الباب بوجو، ( طبعا  بسبب اعتقادي انو لمصاحبه لهدا الجيل والحب مضيعة للوقت والشباب بتسلوا ولو واحد بحب وحده جد يطلب ايدها ويستناها) .. المهــــــــــم القصة ابتدأت لما دخلت دورة كيمياء للبجوت ، من اللقاء الاول شفت المرشد (صغير بالعمر عمره 20 سنه ) وفتت علصف ،وبصراحه انبهر وانعقد لسانوا عن الكلام ، وبالفعل حسيت كان ينظر الي نظرات الاعجاب زي بقية الشباب بس كعادتي ما اعطيتوا وجي (بصراحة ما بخبي عليكو استحليتو ولفتلي اهتمامي بقوة شخصيته )بس الفرقين  الوحيدين انو نظراته كان فيهن حب حتى وهوي يحكي معي يتبسملي يقلي اشرحلك هدا السؤال وانا اسالة يتبسم حتى انه كان يطرح احيانا نكت بايخه عشان اضحك وبالفعل كنت اضحك مع انها بايخه اما الفرق التاني انو اول مره بعجبني شب وبحسو مالك الدنيا كلها بأيديه لتنين  .. مرت الايام تقريبا 3 لقاءات للدورة ومع الوقت صرت احس انو اعجابي في بكبر يوم عن يوم وبزيد .. لدرجة اني صرت افكر فية وافكر باللقاء التاني وايش البس وافتنه اكتر واكتر وصارت حركاتي غريبة شعور غريب احلم فيه افكر فيه، ماااااا بعرف ايش اوصف شعوري ..لكن للاسف الدورة خلصت بعد 16 لقاء وحسيت زي سكينة بقلبي عم تجرحني عنجد وبدي اعيط  ابكي (حتى وانا عم بكتبلكو حساي حالي بدي ابكي )  مرق جمعه على نهاية الدورة وصرت بدي زي احكي معو "اتحركش" مش عارفه ، اسألو سؤال أي شي .. اتصلتله وارتحت وسالته سؤال غبي بس عشان احكي ولكن هذه ليست من عادتي اني "اتحركش" عزة نفسي لا تسمح لي ، ومرت جمعه اخر وما زلت افكر فيه مش قادره ازيحه من تفكيري بتألم علية .. خلصت الدورة وحاسه انو راح واخذلي قلبي .. وهاي الجمعه الرابعه على انتهاء الدورة والحزن والشوق يقتلانني متخيلتش نفسي يوم بهدا الموقف .. ماذا افعل ساعدوني ؟؟ للذكر اهـــــــم شي راح اقولوا صديقتي قالتلي هدا الشي حديثا انو هوي كان قبل الدورة بعلاقة مع فتاة (بعرفش نو العلاقة قوية ولا نوو بس انو مقصود مصاحية ) ولما كنت بالدورة مكنوش مصاحبين كان تركها وبمشاكل معها على استمرار حتى لما انتهت الدورة ما رجعلها بس بعد 16 يوم صاحب صبية (ما بعرف اذا ذات الصبية ) .. وبصراحة قلبي انكسر .. بس ما عملت شي .. كتمت حزني بقلبي .. للذكر بان صديقتي تلومني جدا وباني السبب لاني كنت اتكلم كتير بالبلفون (عندي ادمان بلفون ) ولما بحكي بالبلفون وبكون صوتي جدا منخفض وكانني اتكلم بالخفية ، قالتلي انو ربما اعتقد اني على علاقة مع احد ومصاحبه .. بس بصراحه انا ما راح ابرر واحلل اخاف اتوهم  ... للذكر باني سوف التحق السنه لما اخلص 12 بنفس الجامعه الي بتعلم فيها ... بس ساعدوني
هل كان هذا حب ؟ هل نظراته كذب ؟ ماذا افعل بقلبي ؟ هل سينساها ؟ يقولون بان الشاب لا يستطيع ان يبقى اعزب وبلا فتاة مدة جمعتين 14 يوم ولهذا السبب صاحب وليس لانه شرير او خائن هل صحيح ؟ لا اريد التبرير ارشدوني ؟ ل انتظر ؟ ماذا افعل ؟؟ عنجد زعلاني وكل يوم بفكر فيوو ؟؟ ساعدوني