حبيبتي تلتقط آخر انفاسها احبها واريد ان اتبرع لها بكليتي ولكن اهلي يرفضون

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية الرسالة هي التالي: سلامي لجميع زوار موقع العرب .. انا شاب من منطقة الشمال اتوجه لطلب ارشادتكم ومشاعدتكم لي في حل هذه المشكلة .. احببت شابة اصغر مني بعام وبقينا على علاقة جميلة لمدة عامين وكان كل شيء على ما يرام الاهل بعرفوا وموافقن..  

صورة توضيحية

وقبل فترة زغيرة بلشت حبيبتي تعاني من مشاكل بلشت تشعر بالتعب والإرهاق الجسدي والذهني .. وصارت تستصعب توكل صعوبة في التنفس وانا خفت عليها كتيير لأنو الإشي كان مزمن واجبرتها على انو تروح للمستشفى .. وبعد عدة تحاليل ومراجعات اكتشفنا انها مريض بالفشل الكلوي المزمن .. وبالطبع هو مرض خطير ووصلت لدرجة انو هي بدها حدا يتبرع بالكلية واهلنا عرفوا وانا منشان تعلقت فيها كتيير طلبت من اهلي انو اخطبها واتزوجها وعلى علم انو اهلي بحبوها كتيير .. بس اهلي جاوبني بالخط العريض لاااااااااااااا طلبت اخطبها منشان ولا اي انسان يعترض انو ليش انا اللي بدي اعطيها الكلية ..منشان ولا كلمة غلط تطلع عليها ..  بس اهلي عارضوا الموضوع نهائيا منشان ما تدمرش حياتي .. بس انا والله لو طلبت روحي وقلبي بعطيها كل حياتي بحبها وبموت عليها وبتخيلش حالي مع غيرها ساعدوني انا عم بفوت بحالة من اليأس والإكتئاب وفوق كل هاد هي عم تتغير معي وعم بتحس انها ظالمتني معها اتركها تموت وانا اتفرج عليها والله ما بقدر اشوف دمعة نازلة كيف اشوفها مريضة وهيك حالها شو اساوي بحالي ؟! شو اعمل ارد على اهلي ولا على قلبي ؟!
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il