حسام برانسي يكتب على منبرنا: همي بلدي

 مين الرّئيس يكون مش همّي ولا مين يبْرم دفّة الأ’مّي
ولا همني متعلّم وفهمان وما همني لولا طلع أ’مّي
ل بيهم بالموضوع يا إخوان تبقى بلدنا ساكنه القمّي
كوْن البلد عا دوْرة الأزمان فيها شعوب الكوْن مهتمّيِ
وللّي بثيرو قصّة الأديان عيْب إستحو لا توسْعو الذّمّي
ولا تغطْسو لوْن النّقى بألوان ولا تهدمو بقلوبنا الهمّي
نحن شعب ع محبتو ربْيان دمّك يا خيّي مخلّط بدمّي
مسلم مسيحي بالبلد إخْوان عمّك أبوي ووالدك عمّي
وبصغْرتي لولا كنت جوعان وما تواجدت في بيتنا أُمي
تيجي جارتنا عايشة الرّضْوان تسْكب حليب الصّدرعا تمّي
إصْحو بقى لا تهدمو الأركان ولا تبعترو بيناتنا الّلمي
قومو سوى عا مسْلك الوجدان بإلفه ومحبّه ومرجله وزْنود
نبني بلدنا بوحدة الأُمّي

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية رأي حر. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net