خايف اخسر اعز اصحابي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية..

مرحبا انا شاب عمري 16 سنة مش مهم من اي بلد المهم انكم تعرفو مشكلتي...انا خايف اني اخسر اعز صاحب عندي حاسس انو عم بيضيع من قدام عيوني وانا مش عارف شو بدي اعملو..مشكلتو انو عمل مشكلة صغيرة بالمدرسة ويعني مش مستاهلة توخد الاهتمام اللي اخدتو ..نتيجة هالمشكلة ابو لصاحبي حكالو انو ميروحش عالمدرسة ومع العلم انو امتحانات البجروت قربت وفش وقت للمزح ولازم يرجع بأسرع وقت.. انا بقدرش اعيش بدونو هو اللي علمني كيف احب الحياة بعد ما كنت بايع كل اشي.. هو كان الضو بطريقي لما اكون لحالي .. كلام الدنيا كلو بكفيش اوصلو حقو واللي عملو ولساتو بعملو معي ان كان من ناحية شخصية او غير..يمكن فش نصيب الو يكمل معي بالمدرسة بس بدي ائلو انو مش المدرسة اللي بتفرق بيناتنا ومحدش بفرقنا الا الموت يا صاحبي..انا شايف انو مشكلتي الها الحق انو تنشروها لانو مش زي باقي المشاكل متل الحب والهبل هاد كلو...وبتمنى انكم تساعدوني شكرا..((يا رب يا سامع دقات قلوب كل البشر..احميلي صاحبي حتى ولو من ضو القمر))؟؟

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab.co.il

 كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية.