ربما ازعر لكني احبه وارفض العرسان

وصلت الى موقع العرب، هذه الرسالة من فتاة تطلب نصيحة زوار موقع العرب من خلال طرح مشكلتها.موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية، وبدوره يتوجه موقع العرب لزواره الاحباء بارسال تعقيبات جادة وملتزمة دون تجريح ومع الشكر.

الرسالة هي التالية:
"انا بنت عمري 19 سني حلوي كتير فش اشي ناقصني اي شب بتمناني . المشكلي اني بحب شخص اللي 5 سنسن وهو كمان بموت علي . طلب ايدي من اهلي بس ابوي ماوافق لان الناس بيقولو عنو ازعر وامي بتقولي ابعدي عنو بس انا مش قابلي اسمع كلام اهلي مع ان هو الشب مش حلو بلمره وجرحني اكتر من مره شو قصتي معلقه فيه لهلدرجي مش عارفي . من عمر 17 لحد اساا ما ضل حدا الا ما دق بيتنا وطلب ايدي وبلاخير اقنعتني امي ابعد عنو وخطبت ابن خالي تقريبا 3 اشهر بس لما شوفتو ارجعت احنلو وبطلت بدي ابن خالي وعملت المستحيل عشان افك الخطبي مع ان ابن خالي احسن من حبيبي بمليون مره . واسا انا معاه انا متاكدي ان بحبني بس اهلي ما بدهن هاي العلاقه... بس بلاخير اهلي اقتنعو ان ما بعيش من دونو . وطلبت من يطلب ايدي بس بتعرفو شو قلي (انا صغير عمري 23 سني واهلي ما بيقبلو اخطب اسا ولا اتجوز )وابوي بدش احكي معاه على البيليفون . واسا جايني عريس ما في متلو ؟ ومش عارفي شو اعمل"