زجل إسعَوا للسّلام بقلم :الشاعرة اسماء طنوس

يا اللّي تريدوا السّلم وبِتْــطالبـوا فِيّو الحكي بَعدُه حَكي وما تْطَبّقوا احلامُه شروطه التّفاهُم والمحبِّه تَتِقرَبوا مِنّو وتنــازُل عن مطالبــكم تَتْــرِنّ أنغــامُه ويا للّي تِحِبّ نفسَك غيرَك لازِمِ تحِبُّه وما حدى يعَيِّرحدى وِيْعيــش بأوْهـامُـه كُلُّه بالإيمان بيِمشي بَس الدّرِب هَيّـوا لاجلِ السّلام الرّبّ بَعَث للغُصْنِ حمامُه نادانا تَعوا يا بَشَرغُصن السّلام حَيّـوا قوموا انشُـروا السّـلام وكونـوا خُـدّامُـه و تصالحوا مع بعـض والأخ مع خَيّو إمشــوا بدربِ السّــلام واتْبَـعوا اقْـدامُــه مين منـكم زار خَيّــو أوْ سـَأل عَنّــو أوْ في ضيــقُه وقــف جَنـبُه وكان قُدّامُــه السّلام مثل الشّجر والظِّل بتِتفَيّأ بفَيّو سَقْــف وسَنَـد للغيـر تَـتفِكّ حَبْـلَ إعـدامُـه هُوَّ نشــيدُ السّمــا اللّي فيـه بيِتــغَنّــوا واللّي للمحبِّه كتب فاضت بالنَّبضِ أقلامُه

موقع العرب يفسح المجال امام الكتاب لطرح أفكارهم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net