زجل الفراغ مفسدَة/بقلم: أسماء طنوس

قلوب الشّباب اليوم أضحت منِ الصّبر خالية والتّربيِة في البيت منِ الأخلاق خربانِة وما عاد عندهم هَدَف للعيـش ولا أيَّ رسالِة وعندهم فراغ كبير والِقلوب منها تعبانِة قاعدين لا شَغلِة ولا عَملِه وحابّين البــطالِة عَم بيشتهوا لُقمِة عيشهُم والمِعدِه جوعانِة من دون ثــقافِــه ولا عِلـم ولا أيَّ أعمــالِ قالوا الرّاحه فيها مُتعَه ما منُشعُر بحرمانِ بالسّرقه بدنــا نعيش ونرتــاح منِ اشــغالِ مِنعيش عالحرمنِه والنَّهب وجيوبنا مليانِة وعَم يخسروا منِ العمر أحلى سنين غالية بلا منفعَـه ولا مصلــحَه منها حدا جــاني ومن دون سبب صـار الولد يفِزّ طَوّالــي ما بدّو حدا يحكي معو طَفران وزعـلانِ وما عاد عند الأهل في سُـلطَه عالِعيــالِ والعُنف أصبح طريقِة حَل بقلوب عَميانِة والولد صار يستعمل السِّكّــين عهالحـالِ كُل ما صار خُلُف بينُـه وبين حـدا ثانــي وما عاد في صبر بقلوب ولا إلها غَوالي وما عادوا منِ النّــاس فاقديــن الإيمـــانِ

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان: alarab@alarab.ne