زجل شوفوا رحمة ربّنا/ بقلم:اسماء طنوس المكر

جَــت لِنا الخَيْــرات من ربِّ السّـمـا
رَغْم الفساد ال عَمّ بين كُلِّ البشـر
شوفوا يا ناس الرّحمِه مِنّو ما اعْظَما
الله مَحا الِذنوب وعنها قَـــد غَفـَر
شايف قلوب محَجّره وعقول مابتِفهما
تْرَأَّف بِها وعن شَرّها غَضّ النّظـر
حِبّوا بَعِض حُبّ الإلـــه اللّــي ســـما
إنسوا الحِقِد والعُنف اللّي أدَّى للخطـر
شوفوا السّمــا بأمطــارها ما أرحمــا
ربّي اللّي جالس عَرشها علينا نَظَــــر
ربّي ال خَلَقنا ما نِسي عبادُه ورَمـى
عيونُه علينا بيِرعى شعبُه اللّي نَطَــــر
نَظِّفلي قلبَــك منِ الغشـاوِه والعمــى
نَظّــف بَقايـــا الشّـــرّ ما يِبقـــالُه أثَـــر

 

موقع العرب يفسح المجال امام الكتاب لطرح أفكاركم التي كتبت بقلمهم المميز ويقدم للجميع مساحة حرة في التعبير عما في داخلهم ضمن زاوية منبر العرب. لإرسال المواد يرجى إرفاق النص في ملف وورد مع اسم الكاتب والبلدة وعنوان الموضوع وصورة شخصية للكاتب بجودة عالية وحجم كبير على العنوان:alarab@alarab.net