زجل لشَجَرة الزَّيتون يا أصيلة/بقلم: أسماء طنوس

يا أَصيـلِه مْأَصَّلِـه ومِنْـكِ الغِنـى يا مَنبعـاً للخيـرِ بِآثْمـارِ تِرويـنا وَحْدِك أَمينِه وغاليِـه عَقَلبـي أَنـا يا بَلْسَـمَ الأبـدانِ يا اللّـي تِداوينـا يا اللّي وُجودِك أَعطـى للدِنْيي هَـنا والرب عَطاكِ الخير تَتِبقـي تِعطيـنا وبيتِ اللّي فِيّو الزيـت أَساسُـه آنْبَنَى ولما الخوابي بتِمْتِلي منِبْقَـى آغْتَنيـنا وِاللّي طعامُه الزيتِ لِلصِّحّـه آقْتَنَـى ومن دونُه ما مِنكون مِن جُرحِنا شْفينا وِاللّي غَرَس الِكْـروم أَثمـارا جَنَـى لا جوع بيِبْقَى ولا فَقِـر زيتـا بيِكفينا ويا اللّي آعْطيتِ الخير قلبي إِلِك غَنَّى لَوْلا وُجـودِك لا فْرِحْـنا ولا غَنّيـنا بتِبقي رْفيقْةِ العُمْر لَوِ الظَّهْـرِ آنْحَنَى وِآنشاالله العُمُر بيطول وبِتْزيدي سِنينا