سيدة: زوجي تغيّر علي وينظر الى اخريات ولا أشعر الطمأنينة معه

أبرز ما جاء في الرسالة:

حاسة حالي كتير بكرهه مع انني كتير حكيت معه بهالموضوع وانه بضايقني وببعدني عنه وماتغيرش وكل ما نطلع مع بعض عشي محل بضلوا عيونوا من بنت لبنت انا انسالله الحمدلله مو ناقصني شي بس كتييييير قرفانة من جوزي 

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا، انا امرأة متزوجة وعندي اطفال الحمدلله بجننوا، مشكلتي مع جوزي، كتير تغير علي من بعد ما انجبنا الاطفال مع انني مش مقصرة بحقه ولا شوي وحلوة ومو ناقصني شي الحمدلله، بس شكله في زلام بشبعوش من وحدة لحالها، جوزي كتير بفوت على مواقع اباحية وانا حاسة انني صرت اكرهه لدرجة بقرف منه كتير ومبطقش يلمسني بتاتا، خلص حاسة حالي كتير بكرهه مع انني كتير حكيت معه بهالموضوع وانه بضايقني وببعدني عنه وماتغيرش ، وكل ما نطلع مع بعض عشي محل بضلوا عيونوا من بنت لبنت انا انسالله الحمدلله مو ناقصني شي بس كتييييير قرفانة من جوزي وصرت اتطلع لبرا كتير وصرت اشوف كل لزلام انظف من جوزي، يا ريت لو تساعدوني، انا حياتي تدمرت وخلص معدتش احب جوزي كرهانيتوا كتييير بس كرمال ولادي صابرة وساكتة، بس لإيمتا؟ ايش هو الحل ؟! جوزي بسعدنيش ومعدتش احس معه بالطمأنينة ومعدتش احبه، ساعدوني لو سمحتوا

صورة توضيحية 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net