شاب: لا أصدق زوجتي عندما تقول لي إنها تحبني وسأصاب بالجنون

أبرز ما جاء في الرسالة: لما اضل وراها وراها بترد وبتقللي بحبك بس ساعتها عارفين شو بصير؟ بصدقهاش

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
تجوزت من صبية كتير حبيتها، وما بتخيل كان في علاقات قبل بحياتها، انا عمليا مبسوط معها، هي اشي كتير بستحي وخجول، وبصعوبة بتعبر عن مشاعرها، صح انا مدللها وبعاملها متل الملكة، بس بدي انجن، لأنه لما بتقللي انها بتحبني، وطبعا بعد ما أموت وانا اسحب الحكي منها سحب، بصدقهاش، بحسش الاشي طالع من قلبها. قبل الزواج، بفترة الخطبة تحديدا شعرت بهاد الاشي، بس فكرت لانها خجولة مش عم تصارحني، وقلت بتتخير بعد الزواج، بس الاشي متل ما هو، أنا بغرقها كلام حب وغزل وهي ولا بتبادلني الاشي، بتبتسم بخجل وبتحاول تغير الموضوع، ولما اضل وراها وراها، بتقللي وانا كمان، فهون انا بجن جناني بقلها بديش انا كمان بدي تقولي بحبك او اشي من هاد النوع، بتردش وبنجن، ولما اضل وراها وراها بترد وبتقللي بحبك، بس ساعتها عارفين شو بصير؟ بصدقهاش، ولكووو بدي انجن.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net