شابة (27 عاما): تعلقت به لكن أهلي يرفضون زواجي منه بسبب ماضيه

أبرز ما جاء في الرسالة:

تقدم لخطبتي مرتين بس أهلي رافضين لانه كان عنده تصرفات غلط وسمعتو مش كتير كانت منيحة

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

حابي تقدمولي نصائحكو لاني كتير قلقانة ونفسيتي تعبانة، انا صبية عمري 27 سنة مش ناقصني ولا اشي والكل بعرفني اني بنت منيحة وبعتبروني مثالية، بس مشكلتي اني قبل حوالي سنة تعرفت على شاب عمره 29 سنة كتير بحترمني وكتير بحبني، وانا كمان كتير متعلقة فيه.

تقدم لخطبتي مرتين، بس أهلي رافضين لانه كان عنده تصرفات غلط، وسمعتو مش كتير كانت منيحة، بس من لما عرفتو ولا عمره عمل أي اشي غلط، بالعكس كتير بقدرني، وتصرفاته كتير محترمه، بتمنى تقولولي شو اعمل لاني كتير متعلقة فيه وبغدرش أعيش بدونه واهلي مش راضيين.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net