شابة: أختي وأخي الكبيران يتدخلان بشؤوني الخاصة بحجة مصلحتي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا زوار العرب.. جاي اليوم اعرض عليكم مشكلتي وكلي ثقة بانكو تتفهوني.. احنا في البيت اختين وشاب، انا الصغيرة، بشلت تعليم بالجامعة هديك السنة بموضوع على قد حالي، لنه صراحة انا معدلي عادي، عكس اختي واخوي الكبار، اللي عم بتعلمو مواضيع صعبة وبدها جهد. 

 
صورة توضيحية

الفرق بيناتنا انو انا بحب الحياة وبحب اطلع واروح مشاوير وتطلع مع صاحباتي وهني طول الوقت دراسة، بس مش هون المشكلة، المشكلة انهن كتير بدخلو فيي، بلبسي ، باختيار صاحباتي، بموضوع تعليمي، وين رايحة من وين جاي، تدخلات لا تطاق، على اعتبار انهن الكبار في البيت!

البرهان
يعني انا مرات بحس انه هني امي وابوي، مش لهدرجة، كل سي ممنوع كل شي ممنوع، كل شي لاحقة تساوي وابصر شو !! يعني انا ما بدخل بحدا ليش يدخلو فيي ؟!
دايما بكون عندهن جواب :"احنا منعرف مصلحتك اكتر منك"! لا يا عمي انتو ما بتعرفوا مصلحتي ! والبرهان انهن اجبروني اتخصص بالمدرسة تخصص ما بحبو وقضيت التانوية جر مع انه كنت شاطرة ! شو بتنصحوني اعمل على شان اتخلص من تدخلاتهن اللي بضايقني ؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il