شابة: أرفض أفضل العرسان لأنهم بعمري أو أصغر مني سنا!

أبرز ما جاء في الرسالة:

بعتبر حالي انسانة ناجحة بالمجتمع بس لحد اسا ما اجا نصيب منيح مع اني كتير معنية اتزوج وأأسس اسرة وعيلة واشعر بالاستقلال

يمكن الاشي يكون حظ او صدفة او نحس بس كل النصيب اللي بيجيني وحتى لو كان نصيب منيح من ناحية معماد الشب وعيلته واخلاقه وايمانه وكل هاي الشغلات بكون ازغر مني او بعمري

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا انا صبية بالعشرينات من عمره وبعتبر حالي انسانة ناجحة بالمجتمع بس لحد اسا ما اجا نصيب منيح مع اني كتير معنية اتزوج وأأسس اسرة وعيلة واشعر بالاستقلال بس بصراحة في مشكلة كتير مضايقتني ومش عارفة اسيطر على الموضوع.

صورة توضيحية

يمكن الاشي يكون حظ او صدفة او نحس بس كل النصيب اللي بيجيني وحتى لو كان نصيب منيح من ناحية معماد الشب وعيلته واخلاقه وايمانه وكل هاي الشغلات بكون ازغر مني او بعمري والمشكلة اني انساة واعية بآمن انو البنت لازم تتجوز واحد اكبر منها حتى لو كان الشب اللي بجيلها واعي نوعا ما. لحد اسا عم برفض كل العروض بالرغم من اني من واثقة من قراري كيف لازم بس اسا في شب متقدملي اخلاقه وسمعته متل المسك وانسان منيح وحنون وصحاب احنا واياهن بس هو جيلي! يعني بنفس عمري! هل بنفع اعطيه فرصة او الفكرة من اصلها مرفوضة؟ يا ريت تساعدوني وشكرا الكم.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il