شابة: أرفض العرسان لأنهم لا يأتون من تلقاء ذاتهم ويطلبون يدي بطريقة تقليدية

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا موقع العرب انا صبية بالعشرينات من الشمال متعلمة ومثقفة وكمان حلوة والله يشهد علي بس المشكلة انو كل ما ييجي شب يحكي فيي عم برفضه لسبب يمكن تفكروه سخيف بس بالنسبة الي كتير مهم.

صورة توضيحية

عم برفض الشباب حتى لو كانوا مناح لانهن مش عم بيجو يحكو فيي من حالهن ودايما بكون حدا دلهن علي. يعني هاد بحكيلي انو امو دلته علي وهاد اخته وهاد عمته او حتى ابوه وانا بصراحة بديش اتجوز بهاي الطريقة لانها دقة قديمة وما بآمن بهاض الاشي.
عم بستنى الشب اللي يشوفني من حاله وما حدا يدله علي وسيعتها رح اعطيه فرصة بركي صار نصيب. بس هل انا على صواب يا زوار موقع العرب؟ صح انو معي حق افكر بهاي الطريقة خاصة احنا بالقرن العشرين ومش على ايامات ستي وسيدي؟ وشكرا ارجو النشر بأسرع وقت ممكن.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il