شابة: أنا جميلة ودخلت في عامي الـ35 وحتى اليوم لم يتقدم شاب لخطبتي ونصيبي عالق

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
انا صبية في الثلاثينات من عمري والله يشهد علي اني كاملة ومكملة بصوم وبصلي كل يوم خمس ركعات برضي الاهل ورب العالمين محترمة وشغلتي منيحة والحمد لله انو حالتنا مستورة ومتحينين. بس والله يا جماعة الناس انا مستحية اعرض مشكلتي بس فش حل تاني بدي افش خلقي لحدا بركي اقدر اطلع من حالة الاكتئاب اللي انا فيها!

صورة توضيحية

صرت حوالي 35 سنة ولليوم مش متجوزة لانو مش عم بجيلي نصيب او خليني اقول نصيب منيح. انا ما بدي اكتر من واحد يرضي رب العالمين وتكون خلقته مقبولة. ما بدي اكتر بس اللي عم بيجو غير مناسبين منهم الشباب اللي بشربو وغيرهن بغضبو رب العالمين وغيرهن مش مناسبين بالمرة.
اساسا ما في كتير شباب بتقدمولي وحتى هدول وضعهن مش كل هالقد. سرت احتار شو لازم اعمل؟ لازم اروح عند شيخ يصليلي متلا لانو صرت اشك حدا عاملي عمل والوسواس فات على راسي. أهلي بقولولي الله كريم وببعت بس انا مش شايفة ويمكن الوقت تأخر بعرفش شو اساوي يا ريت تعطوني نصايحكم وشكرا.

طلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il