شابة: العرسان يرفضونني لأنني خطبت أكثر من مرة وأعطيت فرصا عديدة للتعرف

أبرز ما جاء في الرسالة:

أموري المالية الحمدد لله من عيلة وناس مناح

لقيت أحسن حل إني أشارك الجمهور بوجعي وحزني عشان اشوف واعرف كيف المجتمع بفكر ومين الغلط أنا أو العالم

 بصراحة مشكلتي إني صبية كنت اعطي فرص لكتير شباب يتعرفو علي وطبعا كلو في نطاق الاحترام والعادات والتقاليد اللي بمجتمعنا

اذا في شب بكون معجب فيي وحتى بحبني وانا برتاحله بكون معي صريح وبقللي انو أهله مش رح يقبلو انو يتجوز وحدة خطبت اكتر من مرا وكانت مصاحبة كتير شباب

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا أنا صبية عمري بالعشرينات من مدينة متحضرة في الجليل بشتغل وأموري المالية الحمدد لله من عيلة وناس مناح بس بصراحة في موضوع مضايقني ولقيت أحسن حل إني أشارك الجمهور بوجعي وحزني عشان اشوف واعرف كيف المجتمع بفكر ومين الغلط أنا أو العالم. بصراحة مشكلتي إني صبية كنت اعطي فرص لكتير شباب يتعرفو علي وطبعا كلو في نطاق الاحترام والعادات والتقاليد اللي بمجتمعنا.

صورة توضيحية

انا من الأشخاص اللي بعطو فرص عشان اختار شريك الحياة الصحيح بس المشكلة انو من قد ما كنت بعلاقات وفكيت علاقات صار الإشي يأتر علي.. حتى اليوم اذا في شب بكون معجب فيي وحتى بحبني وانا برتاحله بكون معي صريح وبقللي انو أهله مش رح يقبلو انو يتجوز وحدة خطبت اكتر من مرا وكانت مصاحبة كتير شباب. طب انا ولا مرة غلطت مع واحد من اللي تعرفت عليهن... من حقي اتعرف عشان اعرف اختار... بس المشكلة انو الموضوع صار يضايق وانا مش عارفة الاقي شريك الحياة بسبب الفرص الكتيرة اللي اعطيتها لناس بحياتي. شو الحل برايكو وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net