شابة: تخلى عني عندما كنت بحاجته والآن ترك خطيبته من أجلي

أبرز ما جاء في الرسالة:

انا بصراحة كتير بحبه وحابي ارجعله وبتمنى اعيش كل ايامي حدو بس مش عارفي اقرر شو بدي بعد اللي عملو فيي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

انا صبية بدي مساعدة معقبين موقع العرب.. قبل 3 سنين تعرفت على شاب وحبيته وتعلقت فيه كتير كتير وكان بالنسبة الي كل الدنيا.. وبعد حب سنتين تركني وانقطعت اخباره وبطل يرد على تلفوناتي.. ولما ضليت وراه عشان أفهم ليش هيك بعمل فيي قلي انا ما عاد بدي اياكي بحياتي.. جرحني كتير وفوتي بنفسية صعبة.. بوعد شهر عرفت انه خطب..

 
صورة توضيحية

وقبل شهرين حكى معي وقلي انه تركت خطيبته عشاني وانه مش غادر يعيش بدوني ولما تركني كان عنده ظروف وكان مجبور يتركني.. واسا بدو يرجعلي ومستعد ييجي يخطبني اول ما اقله اني موافقة.. وانا كتير محتارة.. انا بصراحة كتير بحبه وحابي ارجعله وبتمنى اعيش كل ايامي حدو.. بس مش عارفي اقرر شو بدي بعد اللي عملو فيي.. 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net