شابة: وجدت الإنسان الذي لطالما حلمت به لكن طفولته البائسة تطارده
الشابة:
الشابة:
كل السبب المشاكل الي عم بتصير ببيتو والي كانت سبب بتحطيم طفولتو
وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
تعرفت ع شب من قبل 7 شهور تقريبا، شب كتير محترم ، تفكير راقي،إنسان عشت معو احلى ايام ، أيام معشتهاش بحياتي...في مشكله وحده:طفولتو كانت صعبه شوي، او بالاحرى معشش طفولتو كيف لازم !!! هالاشي مأثر علي كتير، هو شخص حساس ، كل حياتو كان لحالو... ولا مره وقف معو حدا .. ولا صاحب ولا اهل !!
لما تعرفت عليه ، قلي : اول مره بحياتي بكون حدي حدا ! وبدي نضل مع بعض عطول لاني مستحيل الاقي الانسانه الي توقف معي متلك!
بسبب طفولتو ، هاد الانسان عم بتضايق من كل اشي بسرعه خاصة من امور ب قلب بيتو ، والشخص الوحيد الي ممكن يساعدو هي انا !!
هو بقوليش انا متضايق، بس انا بحس عليه وبقولو بدي اساعدك واكون حدك... اخر اشي بقولي :
" أنا بديش حدا من الدنيا ، ولا انت ولا اهلي ، ولا حدا، بدي اضل لحالي متل ما تعودت"
بتمرق جمعه .... بروح بشوفو وبصلح الامور بينا وبقولو اني حدك، برجع كلشي طبيعي بينا...
بس الاشي تكرر كتير !! وكل مره يقولي بديش حدا وانا كنت ارجع واصلح الامور...
كل السبب المشاكل الي عم بتصير ببيتو والي كانت سبب بتحطيم طفولتو ... انا مش حابي اتخلى عنو لسبب مش بأيدو..
بس نفسيتي تعبت !!!!! مش عارفي لوينتا الاشي رح يضل هيك.
صورة توضيحيّة
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net
