غيرته الزائدة جعلتنا نفترق.. لكني اليوم نادمة وأتمنى لو نلتقي لكنه يرفض!!

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.   مرحبا انا بنت عمري 17 سنه وبدي تساعدوني لاقدر ارجع حبيبي الي..انا حبيت واحد وحبني كثير لدرجة انو كنا نعشق بعض وما نغدر يفوت يوم بدون ما نحكي مع بعض ونشوف بعض .. الشب كان بمدرستي وحبني من اول نضرة شافني فيها من لما كنت بالاعداديه صف 9 انا اسا عمري 17 وبصف 12 ..

 
 صورة توضيحية

بغار كثير علي لدرجه انو ممنوع يخليني اشوف الضو..وانا بالاخر بطلت اغدر اتحمل الاشياء اللي كان عم يطلبها مني باخر فترة صارت تصير مشاكل بينا كثير يعني يمكن صار يومين بالجمعه نكون مبسوطين .. وبعدين انا قررت انو نفترق عن بعضنا من عدم تحملي والمشاكل اللي كانت عم تصير .. وحبيبي احتم قراري ويا ريتو ما احترمو وبعد عني .. انا بتندم على كل كلمه حكيتلو اياها والله يشهد عليي اني بتعذب كل يوم ميت مرة بدونو ..

اترجيتو عشان ارجعلو
صرت اشوفو بالمدرسه ما بعرف شو يصرلي مليون بنت وبنت صرن حوليه ويحكين معو وهو حبوب كثير وما ناقضو شي لا سيارة ولا تعليم ولا مصاري ولا دار وشاطر ما كان هيك بفجأه تغير يعني زي اللي نسي انو في كان شي بيني وبينو مع اني انا اترجيتو عشان ارجعلو بس رفض بالاخر منشان كنت كل ما يصير شي اقلو انو نبعد عن بعض بس ولله ما بتطلع من قلبي ما بعرف شو اعمل وقتها عشان هيك بقولها وهو بطل يتحمل هاي الكلمه وبالاخير بعد عني نهائي .. وانا بترجاك يا حبيبي ارجعلي بطلب منك السماح ولله انو كان معك حق بكل شي بدك اياه وانا ما عدت ارفضلك شي بس لا تتركني وتروح حياتي بلاك جحيم.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il