فتاة 16عاما: أخي أزعر وأبي متوفي وأمي إمرأة بسيطة .. ساعدوني ما العمل ؟

أبرز ما جاء في الرسالة:

انا بنت عمري 16 سنة وعندي أخو أزعر كتير! بصراحة يعني! وما بفرق معو اشي وزاتت الدنيا ورا ضهرو!

المشكلة انو انا يعني ما بعطيهن وجي بالمرة .. لو عندي أبو كان بكون الاشي اهون وبقدر احكي لأبوي بس انا ابوي متوفي من 3 سنين وامي مرا بسيطة

أنا بصراحة مرات بشفق عأخوي.. بحسو مريض ومنجن عأبوي.. لأنو هو وأبوي كانو صحاب كتيييير كتيير وفقدانه كان صعب ع أخوي كثير كثير!

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا لجميع زوار موقع العرب.. يعطيكو العافية ونهاركو سعيد! انا بنت عمري 16 سنة وعندي أخو أزعر كتير! بصراحة يعني! وما بفرق معو اشي وزاتت الدنيا ورا ضهرو! يعني اصحابو بحكو معي وبتهبلو وبتزانخو وبتمقرفو قدامو وهو ما بفرق معو! المشكلة انو انا يعني ما بعطيهن وجي بالمرة .. لو عندي أبو كان بكون الاشي اهون وبقدر احكي لأبوي بس انا ابوي متوفي من 3 سنين وامي مرا بسيطة ما بطلع بإيدها وبتضل كل الوقت زعلانة !! وعمامي مش فارقة معهن عائلتنا شيلي ومش سائلين عنا!! يعني بالعربي اخوي فالت وفش حدا يسأل عنو !

تصوير: Thinkstock

أنا بصراحة مرات بشفق عأخوي.. بحسو مريض ومنجن عأبوي.. لأنو هو وأبوي كانو صحاب كثيييير كثيير وفقدانه كان صعب ع أخوي كثير كثير! بس والله انا تعبت كتير يعني أنا صرت صبية ! وما بقدر أضل هيك!!! لوين ببدنا نوصل؟ عائلتنا مافش الها مستقبل! شو عالمصايب هاي! بخاف كثير من المستقبل كثير عنجد!ساعدوني وقولولي كيف أحكي مع أخوي كيف أهدي إمي كيف أرجع الحياة لعيلتنا!!

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net