فتاة (17 عاماً): أحبه جداً لكنه وضع حدوداً لعلاقتنا واستغل حبي وغيرتي واحترامي

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

سلام لكل زوار موقع العرب ، انا بنت عمري 17 سنة حبيت شب عمرو 18 صرلنا سنيتن مع بعض بعرف انو اكبر غلط احب من جيلي بس تقريبا كانت اول تجربة لالي يعني مفكرتش انو زغير ... الي بدي اسألوا في شب بحب بنت من دون ما يغار عليها ؟؟!!! في شب بحب بنت بدون ما يهتم فيها شو عملت وين راحت يخاف عليها ؟؟! وفوق كل هاد بحط حدود وخصوصيات بينو وبين حبيبتو ؟! كان يجبني كان مستعد يعمل كل اشي عشاني بس ليش تغير معي صحيح انو الحب بقل مع السنين ؟!
 

صورة توضيحية

كل يوم بنتقاتل حبيتو وتمنيتو الي بس هو خلا البنات تشاركني في مرة بحط صورتو عالايميل لبنت مرة بعطيها رقمو مع هيك بقلي مش حلوة الغيرة هالقد استغل اني بغار عليه كتير استغلها نقطة ضعفي كرهاني حالي لاني حسستو انو اشي وهو ولا اشي صار يحكي معي ويضحك كانو بتمسخر من حبي وغيرتي عليه قولولي ليش هيك ليه الدنيا هيك الشب الي تمنيتو الي وبدعيلو الله يوفقو ويحمي دايما بعاملني هيك مع انو بقول بحبني صبايا انتو يمكن تفهموني اكتر بحكي صح انا ولا لا مش كل بنت بتحب حبيبها يغار عليها يخاف عليها طيب هو لا بدي اتركو بس مش هاين علي سنتين من احلى سنين عمري ارميهن وراي نفسي ابعد عنو وعن هاد! ا العالم الي عايش فيو عالم الكذب وعدم الصدق مش غادرة افكر قولولي مين صح انا بغار كتير؟! صح انو يحط حدود بينا صح يضلو يزعلني واسامحو على امل يتغير كيف بوعدني؟! صح يقول لبنت صفو يا عمري انو بنت بتتحمل حبيبها يقول يا عمري لوحدي حتى لو كانت عفوية واخوية متل ما بقول ..؟؟!! انا عندي الحب انو نصير شخص واحد بس هو لا مش عارفة حالي وين ولا شو عم بعمل بحالي بحياة كل مين غالي عندكوا تنصحوني تعبت نفسي انام افيق الاقي اشي متغير ساعدوني .......

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il