فتاة: أبي هجرنا لمدة 20 عاما واليوم يطالبني بالعودة الى منزله

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا أنا شابة عمري 25 سنة حابي أفضفض وأحكي كل اللي بقلبي وبدي منكو تساعدوني وأنا بحاجة لنصائح بهاي الفترة للمساعدة.. قبل عشرين سنة أبي قام بترك البيت وضلينا انا وامي في الحياة نعاني من قسوتها المرة بعد هجرة ابي فعندها قامت امي بالزواج من رجل غني لكي يؤمن لنا كل متطلبات الحياة اليومية وعشان نستمر بالعيش بكرامتنا متل غيرنا! زوج امي لم يكن ينجب الاطفال فعندما تزوج امي كان عمري 5 سنين فاحتضنني زوج امي وعاملني على اساس ابنته الوحيدة وانا لا يوجد لدي اخوة..

صورة توضيحية

وكل اشي كنت اطلبوا من زوج امي كان يعطيني وكان مدللني كتير ولما كبرت وصرت صبية حلوة وصار عمري 18 سنة بلشت اسأل امي عن ابوي الحقيقي؟؟ فكانت امي تتهرب من هذا السؤال وتصير تبكي وما بعرف ليش وبلشت اشك انو في اشي ومحيرني!! فقالتلي انو ابوكي ميت من زمان.

ابوي هجرنا
لكن لم اصدقها لاول مرة ! فبدأت انا بالبحث عن ابي لعدة سنوات اذ كان والدي ميت او لاء؟؟ وبوقتها كنت ما بعرف انو ابوي هجرنا. ولكن قبل فترة قصيرة لقيت انو ابوي بعدو عايش!! وانه هجرنا من لما كان عمري 5 سنين امي ما كان بدها اعرف عشان ما احقد على ابوي. وقبل حوالي جمعتين اجا ابوي لعنا عالبيت وانا فتحتلو الباب بس ما عرفت انو هادا الشخص هو ابوي بس هو كان يراقبني من بعيد وعرف انو بنتو كبرت وصارت واعية.

أبي يطالب بعودتي
 ولكن الذي ادهشني انو ابوي اجا عالبيت عشان يطالب امي بعد هاي الفترة وانه  بدو يوخدني معو!! ولكني انا رفضت لانو زوج امي وامي كانو يحبوني كتير وكانو هني نبض الحياة اللي انا بعيشها..!! ارجو منكم مساعدتي هذا قرار صعب كتير علي اذ اتخلى عن زوج امي وامي اللي ربوني كل شبر بندر ولا اروح مع ابوي اللي تركني طول هاي السنين..؟؟

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il