فتاة: أحب ابن خالتي ولكن فارق السن يشكل لي عقدة من الزواج به

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

أول شي بحب اشكر موقغ العرب على هاي الزاوية الحلوة كثير وبتمنى تستعجلوا بنشر رسالتي لان الوقت مو لصالحي.
ابن خالتي حاببني ومعجب فية من زمان هو حلو كثير كثير وفش علية حكي ومحترم بس هو اكبر مني بي 15 سنة انا بعدني صغيرة عمري 17 ونص وهو عمرو 33 سنة وانا حلوة كثير وشاطرة بدراستي وطلبي كثير بس بما ان ابن خالتي وهيك ادخلت العيلة وصارو يقولوا اقبلي وهيك هو صحيح مش مبين علية العمر شيلي وشكلوا متل ابن ال 20 بس انا خايفة من المستقبل , احتمال هاد الفرق يوصل بينا لمشاكل لقدام وانا بحس حالي طفلة وبحب الحياة ومش بزيادي مستعجلى على موضوع الجيزة وهيك بس الكل بقولي هاد مصير كل بنت وبكرا بتكبري محدا بطلع عليكي .

 
صورة توضيحية

حسب رائيكم شو اعمل ! بخاف بكرا هو يشيب وانا اضل بشبابي وقعد اتحسر على حظي , انا هسه قولت كمان اسبوع برد وبنشر مشكلتي هون صرلي فترة وما بلقاها وانا قصتي مستعجلة ؟ شو بتنصحوني اقبل ولا ارفض وحسب رائيكم انا على حق بالخوف من المستقبل ؟؟ انت شو رائيكم؟ ساعدوني بليز وشكرا الكم طولت عليكم.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il