فتاة: اعترفت له بحبي وتعلقي الشديد به لكنه يحب أخرى وصمته يقتلني

أبرز ما جاء في الرسالة:

الي دمرني انو ما عطاني جواب صريح من يومتها تقلبت حياتي للجحيم

أنا بدياه يكون الي وحدي وبس بدياه يكون شريك حياتي ع سنة الله ورسولو

في عندو حبيبة ما بعرف شو بدي ساوي وهو عم ياخذ مني حياتي وبعيد ميلادو الي كان امبارح بعثتلو ماسج وقلتلو عيد ميلاد سعيد أول شي قالو شكرا

 وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
 

مرحبا يا أحلى موقع أول شيء شكرا لطرحكم مشكلتي ,أنا فتاة قبل 4 سنين حبيت ابن خالتي و تعلقت فيه لدرجة إني ما بقدر عيش من دونو بالعام الأول من حبي كنت مو مبالية بس في العام الثاني صرت اشتقلو كتير وصرت عم غار عليه فحكتيلو اني بحبو وكانت بنت عمتي الوسيط فهي الي حكتلو كنت سعيدة لاني خبرتو.
 

صورة توضيحية

بس الي دمرني انو ما عطاني جواب صريح من يومتها تقلبت حياتي للجحيم وصرت طول الوقت فكر فيه وكنت دائما نام و أنا عم أبكي مشانو وبعدين في العام الثالث اشتريت رقم خاص فيي و صرت عم ابعثلو رسايل.
 
صمت أو تجاهل؟!
وبعدين اكتشف اني أنا الي عم تبعثلو وكمان ما حكى شي دمرت ساعتها وزاد ألمي أكثر صرت مع شوف النوم بعيوني وأن بس عم فكر فيه ودموعي ما عم توقف مع أني بعرف أنو عندو حبيبة بس ما عم بقدر انساه بنوب و بالعام الرابع حسيت حالي وكأني نسيتو بس لما اجا لعندني قلبي اشتعل ودقاتو صارت سريعة وطلعت معو بالسيارة مع أهلي كنا رايحين لبيت خالتي ساعتها أدركت اني لساتني بحبو وخيالو ما عم يفارقني بنوب.
 
أريده لي وحدي
أنا بدياه يكون الي وحدي وبس بدياه يكون شريك حياتي ع سنة الله ورسولو بس في عندو حبيبة ما بعرف شو بدي ساوي وهو عم ياخذ مني حياتي وبعيد ميلادو الي كان امبارح بعثتلو ماسج وقلتلو عيد ميلاد سعيد أول شي قالو شكرا وبعدين سألني مين أنا فقلتلو أنا بنت خالتك فطلب مني عنوان الفايسبوك فلما قلتلو ما عندي قالي اعملي واحد وعطيني عنوانو وقالي انو بدو يحكي معي عملت واحد وبعثتلو ماسج بس ما رد علي وحتى ما ضافني ساعدوني مشان الله كيف بدي خليه يحبني الله يخليكو وبتمنى أنكم تفهموني وتكون تعليقاتكم منيحة.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il