فتاة مصدومة(20 عاما): قصتي لا تحدث إلا بالأفلام..حبيبي هو أخي بالرضاعة!!
أبرز ما جاء في الرسالة:
أبرز ما جاء في الرسالة:
انا حبيت ابن خالتي اللي عمرو 23 سنة وهو كمان بحبني وصرلنا بعلاقة تقريبا سنتين وكتير مبسوطين ومتفقين
امي عرفت وقالتلي يا مجنونة ابن خالتك بكون اخوكي بالرضاعة.. وعشان هيك بنفعش تحبوا بعض ولا تتجوزا .. حرام!!!
أنا لما سمعت هالكلام انصدمت .. الدنيا اسودت بعيوني وكرهت كل حياتي !! شو أعمل ساعدوني وانصحوني
وصلت الى موقع العرب رسالة من شابة يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.
مرحبا.. انا صبية عمري 20 سنة، مستحية أحكي مشكلتي ومش عارفة شو أعمل !! حاسة انو انا بدوامة ومصيبتي كبيرة. بكل بساطة وبإختصار انا حبيت ابن خالتي اللي عمرو 23 سنة وهو كمان بحبني وصرلنا بعلاقة تقريبا سنتين وكتير مبسوطين ومتفقين. بس فجأة كل اشي راح وخرب وتدمر. في مرة تركت تلفوني بغرفتي ولما رجعت لاقيت امي ماسكة التلفون وبتبكي كتير.
صورة توضيحية
حكيتلها انو انا معملتش اشي غلط وانو رح يجي يخطبني كمان اكم شهر وانو احنا منحب بعض.. بس امي ضلت تبكي وقالتلي يا مجنونة ابن خالتك بكون اخوكي بالرضاعة.. انا وخالتك خلفنا بنفس الوقت وخالتك تعبت وانا كنت ارضع اخوكي وابن خالتك وعشان هيك بنفعش تحبوا بعض ولا تتجوزا .. حرام!!! . أنا لما سمعت هالكلام انصدمت ..فكرت انو عم بعيش بشي فلم أو مسلسل .. مستحيل هيك يصير.. الدنيا اسودت بعيوني وكرهت كل حياتي !! شو أعمل ساعدوني وانصحوني.
يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net
