كلبشات بدايه الاسبوع- بقلم: عمرو السعودي على منبر موقع العرب
بعد النضاره إشاره
بعد النضاره إشاره
لنهر غويط
بعد النضاره النيني
بيهرب مني
الحزن ساعات بيكون
في عنيكي حويط
لكن عالطول
بيطول الليل و تحني
تاخديني في حضنك وتنامي
لاتشوفي ولا أشوف قدامي
ويعيش تكوينا الإنساني
في الحضن الدافي
يا مراكبي يا قلبي يا مقدافي
انا رايح فين ؟
في عنيكي الشط لتراحيلي
يا رموش العين
وهنام علي حجرك غنيلي
موال واتنين
ملزومه بجريك في الدنيا
وزيك ملزوم
العين دي بتضحك
علي العين دي
وتخبي النوم
وبراح الدنيا في عشتنا
لكن هنقوم
علشان نتفرق
بشقانا
في خيوط اليوم
