أم: إبنتي (3 سنوات) ستدخل المدرسة لأول مرة وأنا قلقة عليها

أبرز ما جا في الرسالة:

أنا بآخر العشرينات من عمري عندي طفلة عمرها قريب الثلاث سنوات أنا بشتغل وجوزي كمان موظف

 بنتي مع فوتت المدارس رح تدخل على المدرسة لأول مرة البنت كتير متعلقة فينا وخصوصا بستاتها

البنوتة كل ما نجبلها سيرة المدرسة ما بترضى وبتعصب ومرات بتعيط بحجة انو بدها تبقى عند التيتا. هاد الحكي ما بجوز أول على آخر بدها تفوت على المدرسة

وصلت الى موقع العرب رسالة من سيدة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا لزوار موقع العرب اللي انا بتابعه على الدوام، وبصراحة هاي المرة بدي أطرح مشكلة بتمنى تتفهوا وضعي وبنفس الوقت بعتبر انو هاي مش مشكلتي لوحدي، يعني أعتقد انها عامة وكتير أمهات بعانوا منها. أنا بآخر العشرينات من عمري عندي طفلة عمرها قريب الثلاث سنوات، أنا بشتغل وجوزي كمان موظف والحمد لله، بس الإشكالية إنو بنتي مع فوتت المدارس رح تدخل على المدرسة لأول مرة. البنت كتير متعلقة فينا وخصوصا بستاتها لانو لما انا وجوزي منكون بالغشل البنت بتكون مرة عند امي ومرة عند امو، بس البنوتة كل ما نجبلها سيرة المدرسة ما بترضى وبتعصب ومرات بتعيط، بحجة انو بدها تبقى عند التيتا.

صورة توضيحية

هاد الحكي ما بجوز أول على آخر بدها تفوت على المدرسة بس ما بخبي عليكو انا وجوزي كتير متخوفين يصرلها اشي، خصوصا انها بنت حساسة ودموعها غاليين علينا. بليز ازا عندكو اي حل ساعدونا. انا بعرف انو غلطت خليتها تتعلق بالتيتا كتير وانو كان من الافضل وهي بعمر ازغر ابعتها على الروضة بس هاد اللي صار ويا ريت استفيد من نصيحتكم.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.net