إكتشفت بعد 18 عاما أن أمي التي تعذبني وتقهرني هي زوجة أبي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا انا صبية عمري 18 سنة عندي اخوة تنين وكل عمري راضية بالقسمة والنصيب وبحياته بالرغم من كل المآسي اللي مرقت في حياتي وأهمها اني على طول كنت اتعرض للعذاب والمضايقة والقهر والتجاهل من قبل أمي اللي على طول بتميز اخوتي عني وانا بتحطي على جنب.

صورة توضيحية

بيروحو مشوار وانا ما بتوخدني شو ما بطلب بترفضلي وازا بحكي او بجاوب بترفع ايدها علي. بس ابوي كان زلمة منيح بس مسكين لانو امشيتو على كيفها ومزاجها ونفسي اتزكر يوم واحد منيح معها او اتزكر يوم بدون ما اتضايقني.

لمين أشكي همي
بس قبل فترة اكتشفت الحقيقة وعرفت شو اللي عم بصير. طلعت انا مش بنتها أصلا لانو امي الحقيقية اللي انا ما بعرفها ماتت بس خلفتني وابوي بعدين تجوز وخلف ولدين من مرتو هاي. يعني المرا اللي كل عمري مفكرتها امي طلعت مرت أبوي وياما كنت اعيط وأسأل حالي ليش امي بتكرهني. عرفت الحقيقة المرة بالصدفة بعد جدال حاد جدا معها حتى خبروني ومش رح افوت بالتفاصل اسا لانو المهم تنصحوني شو اعمل! أترك البيت؟ طيب وين أروح؟ اضل في الدار؟ طيب شو مع قساوتها اللي جبال ما بتتحملها؟ استنى حتى ييجيني نصيب وبعدين اعيش بعيد عنهن او شو؟ كيف بدي اكمل تعليمي مين بدو يصرف علي لمين اروح واشكي همي. من شان الله بس حدا يقوللي شو اعمل وكيف اتصرف... يا ريت تساعدوني وشكرا موقع العرب.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il