خطيبتي معقدة وتؤمن بالخزعبلات وتقرأ الأبراج يوميا وبحسبها فقط تبرمج يومها

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا شباب وصبايا موقع العرب كيف حالكو؟ انا شب عمري 22 سنة من قرية في الشمال بحب صبية وتقدمت لخطبتها من فترة عمرها 19 سنة ونصف واحنا كتير منحب بعضنا ومتفقين بكل الأمور بس قبل فترة اكتشفت انها خطيبتي وحدة ضاربة على الله وأكتر من هيك معقدة بتعشق اشي اسمو ابراج وبتخليه يسيطر على حياتها.

صورة توضيحية

المشكلة انو انا ما بآمن بهاي الخزعبلات وبعيش على بركة الله سبحانة وتعالى. بس هي كل يوم عندها اشي مقدس قراءة الابراج يعني مسلمة ارادتها لقراءة الابراج بشكل كبير مرات ازا بطلع ببرجها شي شغلة مش كل هالقد ما بتقبل تطلع من البيت. مرة طلع ببرجها انو هاد اليوم رح تمرضي قام مرضت ومرة طلعلها ممنوع تطلعي من البيت رحت آخدها مشوار وما قبلت ومرة مكتوب رح تستقبلي هدية ضلت تستنا والمصيبة انو الاشياء عم تزبط معها. انا مش عارف شو اعمل من ناحة بحبها كتير ومن ناحة جننتني هي والابراج تعونها... هل وضعها طبيعي هل اتركها على راحتها او كيف أحطلها حد؟ وشكرا.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il