شاب 23 عاما: أحببتها حبا خياليا لكنني خنتها بلحظة وستكون لغيري قريبا

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية. الرسالة هي التالي: اخواني بتمنى تساعدوني مع انو وقت الندم ما عاد يفيد مشكلتي بلنسبه الي كبيره وانا السبب وكل انسان بغلط بس لمليح انو بصلح غلطو ويكمل بطريق صحيح انا شاب 23 سنه حبيت انسانه لمده 3 سنين كانت كل اشي بحياتي عشنا مع بعض على المر والحلو كانت دائما تحسسني بلسعاده والراحه لانها بجد انسانه محترمه ربطها 3 سنين معي ووعدتها باني اتقدملها ما كانت تصدق بس اقنعتها انو انا بدي اياها بلحلال ومع الوقت صدقتني وامنت بي ووثقت فيني لما اعطيتها الفرصه انو تحكي مع اهلي وتتعرف عليهم طلبت منها تعترف لاهلها واعترفتلهن كان عندهن علم وحكيت لاهلي عنها بخلال هالسنين حبوها كثير واختي تعلقت فيها وارتحتلها وكانت تتواصل معها عبر التلفون لانها هي من بلد ثانيه وبلاخر طعنتها بظهرها وغدرتها وخنتها.

صورة توضيحية 
 
انا بعترف بغلطي وبستاهل اشد عقاب وبلحظه ضعف خنتها بمجرد حكيت مع بنت ثانيه من وراها وعرفت حقيقتي بعد ما فتشت وراي واتصلت علي وبهدلتني وحكتني كلام بجرح كثير حسيت الدمعه راح تنزل بعيونها وحكتلي انها مو راح تسامحني بلمره وانها كرهتني بمجرد عرفت حقيقتي ونوياي السيئه وحكتلي ما كانت متوقعه مني هيك وانو لازم انساها للابد وكل واحد باخذ قسمته من هاللحظه الدنيا سودت بوجهي كانو اشي طعني بظهري ولا اسمع منها هالكلام لا عارف انام ولا اكل ولا عارف اشتغل زي هالعالم ونفسيتي تعبت كثير ما بعرف كيف خنتها وليش مع انو فش سبب كانت معوضتني بكلشي بحنيتها وطيبه قلبها واحترامها وكلامها الموزون وتصرفاتها الرائعه ما بتوقع راح القى بنت مثلها لانها كانت حلم حياتي اهلي حبوها لدرجه كبيره وتمنو بس هي تكون شريكه حياتي وخصوصا ابوي الا الو فضل كبير علي وحكالي انو باذن الله راح تكون بس الك الي فتره شهر ما عم بحكي معها واهلي دائما بيسالوني عنها وما قادر اقولهن الحقيقه واذا طول غيابها شو بدي احكيلهن ؟؟

كره العمى بعيونهن اتجاهي
اقولهن اني خنتها شو راح تكون رده فعلهن غير كره العمى بعيونهن اتجاهي راح يحتقروني ويلموني على الا عملتو معها ما كنت قد الحمل وصنت الوعد والامانه ظلمتها كثير ما بتستاهل الظلم حياتي ولا اشي من بعد بمجرد ارتكاب ابشع غلط ومن دون وعي وتفكير انا بلوم نفسي وبندم عكل لحظه جرحتها فيها وبتمنى تسامحني مع انو انكرت المسامحه وهل اذا تاسفتلها وطلبت منها ترجعلي بتقبل انا خايف من رده فعلها لانو الا عملتو معها اشي مكروه من قبلها لدرجه كبيره والمشكله لكبيره انو سمعت راح تخطب عن قريب انا محتار ومش عارف شو اعمل بعرف الله غضب علي ومش راح يعوضني ببنت حلال مثلها لانه كانت بلنسبه الي كل حياتي واحترامها بتفوق على كل شي بتملكو منشان الله سامحيني وبوعدك ما راح اكرر نفس الغلط راح اكون قد الثقه والحمل بس سامحيني بتمنى كل انسان بحب بنت محترمه وما الها مثيل ما يظلمها ويحبها بصدق ويتقدم لخطبتها فورا لانو احساس العذاب والفراق والبعض صعب واصعب من عذاب السجن.

موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il