شاب: دهست طفلا ونظراته الغارقة بالدماء لا تفارق مخيلتي وضميري يعذبني

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:
مرحبا لموقع العرب وجميع المعقبين مشكلتي متعبتني كتير وأنا مش غادر أصل لحل ولهيك توجهتلكوا لتساعوني؟ أنا شاب عمري 24 سنة قبل اسبوعين كنت احدى البلدات ودهكت طفل لما كنت سايق بشارع والصراحة كنت مسرع كتير وما غدرت اتحكم بحالي ودهكته طفل صغير.

صورة توضيحية 

المصيبة الكبيرة انو ضميري كتير معذبني لدرجة اني ما بعرف انام لاني اذيت الطفل وعم بتزكر نظراته اللي مش عم بتفارق مخيلتي وهو كله دم ويعيط... انا بعرف انو اهل الولد بهدا الوقت كتير مضايقين وكتير نفسيتهن تعبانه وأكيد امو بتدعي علي وبتقول اني بلا احساس.. بس انا معزور لاني تصرفت بطريقة انانية وبدون مسؤلية انا ندمان كتير وحياتي ونفسيتي تغيرت من وقت هذا الحادث حتى رمضان ما غدرت اصوم من وقت ما عملت الحادث مع اني ما بقصر بس انا حاسس ومتأكد انو ربنا لا راح يتقبل صيامي او حتى اسفي لاجل الي عملتو.
كل الوقت بيجي ببالي وبتخيل انو مات مع انه عايش بس الموضوع مخوفني ويا ريت تساعدوني لاريح ضميري وبنفس الوقت بدونن ما اتأذى انا...شو اعمل؟

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il