شاب:أحبها حتى الجنون وأعرف أنها لن تكون لي ووعدتها أن لا تكون لغيري

أبرز ما جاء في الرسالة:

انا مستحيل انه افتح الموضوع مع اهلي، لاني بعرف الجواب

حاولت افحص النبض عند امي، فقامت القيامة وما قعدتها... وبعد هذا اليوم وعدت حالي انه هاي الصبية مش إلي ومش لغيري...

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

انا شاب عمري 24 من احدى قرى الشمال، حبيت وبعدني بحب صبية كتير امورة، وهي بتحبني لكن انا من لما كنت صغير كنت اسمع انه مشاكل بين عيلتنا وعيلتهن، واصلاً علاقتنا وحبنا بعيد عن العيلة، يعني ما حدا بعرف فيو، ولما كبرت ووعيت اكثر، اتضح لإلي انه المشكلة بين امي وامها، وبكرهو بعض ع المسبحة، ومستحيل يتطاوقوا، ومستحيل يحكو مع بعض.

 
صورة توضيحية

وانا مستحيل انه افتح الموضوع مع اهلي، لاني بعرف الجواب، بس هيي كانت اقوى وأجرأ مني ، وفتحت الموضوع مع اهلها، والمصيبة انه اهلها وافقوا وما عندهن مشكلة، وفي يوم من الايام، حاولت افحص النبض عند امي، فقامت القيامة وما قعدتها... وبعد هذا اليوم وعدت حالي انه هاي الصبية مش إلي ومش لغيري. لأنو ما بدي اخسرها وما بدي اخسر أهلي وانا ما بتفرق اذا منضل بعلاقة سرية لاخر يوم بحياتنا..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il