شابة (23 عاماً): أهله يرفضونني بشدة رغم اننا نتبادل الحب منذ 4 سنوات

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا يا زوار موقع العرب حابه احكيلكو مشكلتي باختصار وبدي تساعدوني بجديه..
انا صبيه عمري ٢٣ سنه بحب واحد من جيلي كتير كتير بحبه وكمان هو ببادلني نفس الشعور النا مع بعض شي٤ سنين حبنا ببلش من طفولتنا ولاسا بعده مستمر وكل يوم عن يوم بزيد هالحب.
 

صورة توضيحية

المشكله انو اهلو جدا رافضين علاقتنا لاسباب انو بعده بتعلم بس انا حاسه انو مش عشان هيك انا بعرف انو ما بدهن اياني انا شخصيا مع انو بنت معروفه بالاخلاق والاداب الحمدلله بس هيك ما بدهن اياني لانو حسب رايهن انو انا مش بمقامهن!!! جد ما بعرف السبب حبيبي ما حكالي شو السبب الاساسي وانا كمان بنت مش ناقصني اشي كل يوم بجيني عريس شكل وكلهن اولاد عالم وناس خايفه اظلني معه وبالاخر اخسره واخسر كل اشي! أريد حلاً..

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il