شاب:صديقي وصف لي جسم فتاة قام بمعاكستها فإتضح بأنها شقيقتي

وصلت الى موقع العرب رسالة من شاب يطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

انا شاب من مدن الشمال عمري ٢٢ عاماً انا شاب متعلم ومثقف و احسن تربية مشكلتي هي تتعلق بشبابنا في المجتمع العربي في الحياة اليومية . يوم اجا عندي صاحبي عالبيت عندي من نفس البلد وهو كان من اعز الاصدقاء بعد ما قعدنا كل شي طلب مني ارجعوا عالبيت بالسيارة بالطريق بالصدفة رجعتوا على حلة المدارس الثانوية , عالطريق كانوا بنات مروحات عالبيت من المدرسة , انا ما بهتم انا مش من النوع اللي كنت ادور بالسيارة اتزعرن متل الشباب اللي بدورو بقللوا من حياهم واللي بفتحوا الموسيقى عالعالي كأنهم شوفوني يا بنات هذا اسموا قلة ذوق قلة وعي قلة تربية قلة حيا واللي بدخن الارجيلة بالسيارة اشي مقرف ( اسمحولي ).

صورة توضيحية

ولكن المشكلة الكبيرة لما رجعت صاحبي عالطريق لبيته وصفلي جسم بنت من البنات بلش يحكي حكي , بتعرفوا حكي الشباب بالصدفة البنت كانت اختي وانا انصدمت حتى لو ما كانت اختي هاد شي غير مقبول ووقفت على جنب الطريق طلبت منو ينزل من السيارة وهاد كان اخر يوم شفتوا فيها.

استحوا على دمكم!!
الرسالة اللي بدي انقلها لشباب مجتمعنا استحوا على دمكم ما تعملو هاي الشغلات عيب عليكم ممكن من بين ها البنات تكون اختك او بنت عمك حتى ولو بنت بلدك لازم تكون الها احترام شو الهدف من انه تدور بالسيارة وتفتح الاغاني عالعالي بداخل البلد او تسرعوا بالسيارت وتتسابقوا في ناس بدهم يرتاحوا ب اخر النهار بعد يوم شغل ناس عندها امتحانات استحوا استحوا .
بدل ما تدورو بالسيارات وتتبصبصوا على بنات الناس اعملوا اشي مفيد للبلد وللمجتمع رياضة فعاليات شغلات يستفيدوا منها المجتمع انتوا يا شباب انتم لازم توعوا الجيل القادم انتم اباء الجيل القادم وشكراً لكم 

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il