فتاة (24 عاما): أحب شابا (19 عاما) لأنني وجدت به الرجولة التي تحلم بها كل فتاة

أنا صبية عمري 24 سنة، بتعلم والحمدلله في احسن جامعات بالبلاد ومتفوقة ومش ناقصني اشي... بس الإشي اللي صار معي وكتير مشربكني انو انا من جديد بلشت ساعد طالب عمرو 19 سنة على دراسته بموضوع معين لانو بدو يعيد البجروت تبعو عشان كان مسافر. الشب عرفتو عن طريق صاحبتي هو قرابتها... يوم عن يوم بلشت احبو، لاقيت فيو صفات الرجولة اللي مش ممكن انو الاقيها بسهولة عند واحد بعمري او اكبر مني. صورة توضيحية هو كتير جنتل مان وكتير جدي وكتير مسؤول، يعني بإختصار شاب بتتمناه كل بنت... انا اسا فايتة بصراع مع نفسي كيف طلع مني انو احب شاب اصغر مني ب 5 سنين... انا اكتشفت انو ما بغدر اعيش من دونه، انا كثير بحبو ومش عارفة شو بدي اعمل بعد ما يخلص بجروته... انا ظلمته بدعوتي عم بدعي بيني وبين حالي انو ما ينجح كرمال يضل عندي واساعده بس ضميري بأنبني.. شو لا زم اعمل اقوله انو بحبو؟ ابعد عنو واتركوا بخالي... حقيقية انا بصراع بتمنى تساعدوني !! يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il