فتاة: أهلي خطبوني لإبن عمي السكرجي رغما عني ويوم الفاتحة حاول اغتصابي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

مرحبا، انا بنت عمري 14 سنة يعني بعدني طفلة، أهلي خطبوني لابن عمي الي هو اكبر مني ب 10 سنين والي هو بشرب وبسكر ومش منيح بكل معنى الكلمة.
 
صورة توضيحية

محاولة اغتصاب
خطبوني الو غصبن عني، وعملو فاتحة وبعد ما خلصت الفاتحة اخدني على عكا بدو يسهر معي لحالنا واحنا بالمطعم اتدايقت منو قولتلو رايحة عالحمام، فوتت قام لحقني على حمام البنات وحاول يغتصبني، وبالصدفة فاتت مره يهودية وصارت تصرخ تنو طلع وقال للمرا انو خطيبتو مريضة ولحقها عالحمام. بنكون قاعدين بأذن الخطيب فبقولو رايحة اصلي بصير يكفر علي وبقولي بديش اتصلي وكمان مرات بضربني.

أمي وأبي يضروبنني!
بقولو اشتريلي بلفون بقولي بديش (هو كتير شكاك) ولما بقول لأهلي انو بديش ايا ابوي وامي بضربوني وضرب مش بالوعي، انا بديش اتزوجو ومش عارفي شو اعمل، من شان الله ازا بتغدرو تساعدوني ساعدوني قبل فوات الاوان، من شان الله تساعدوني والله متت.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il